Taitos 3:10 - God Vonana Vovokaravina

¹⁰ Ma wawaya kuna kitai da Keresiyana i makamakai iberoi na kevonei da ina voterei. Ma ina bera meyei na keyeghai ma mikeda ke ina vovoterei na kevi matatonetonei ma kebarei.

Taitos 3:10 ပူးပေါင်းရင်းမြစ်များ

Rome 16:17

Turaturaku, aku sisiya bagibagina atereterei kurimi na weni. Kokitaruvimi, iyamna vibeyebeyena vaghata koviiya ma kamomiyai wawaya viya vibeyebeyena vibero eberaberai da koitaghegheyana. Ti na iketagudugudu da kamomiyai wawaya viya i vitumaghana ina voterei. Koveruvuvuresi.

1 Korint 11:19

Agunai tami viya koikawapata na nani kamonai wawaya inakovi da iyavo kava na God ina wawaya maninimi.

2 Korint 13:2

Aku numataya viruwina Korint dami kurimi na nani kamonai sisiya sago avonemi, ma wekarakava taku nani dobunai kegha na bade ana vona meyemi. Tami iyavo kava rorova berabero koberaberai ma bade iyavo kava wekarakava berabero koberaberai na ata vonemi da ana vovirame na ke ani kamyuyuwemi.

Gareisiya 5:12

Ma nani wawayisi inotaragharaghimi na aku kayowana da ke kwimata bekasi kava ina tuyaraghatawei, ita nevaghavaghata da kudubina iti kiiyaraghanataweyana!

Gareisiya 5:20

Ma bade sawara yamoyamonisi erurunomesi, eyapuyapune ma ikiirapu. Wawaya ikawapata ma ighavighaviya, inuwakapikapiyana, inuwapughuwana, ma keta iekwekwai da ini wawayaghama. Wawaya ibogebogesi ma kamosiyai iruwa.

2 Tesalonika 3:14

Wawaya iyai akii vibeyebeyena weni girumina kamonai ke ina kivikivini na vitumaghana damsi kudubisi kovi akovisi da wawayina na nakanani. Ma peyarimi wawayina kokitatawei da ininimaya.

2 Tesalonika 3:6

Varevaresikai, ita Bada Yesu Keriso avanai sisiya bagibagina kavereveremi da Keresiyana turaturata kayobarisi kokitatawesi, iyamna ti na akii vibeyebeyena ke ita kivikivini.

2 Timoti 3:5

Ini taparoro ma ina berai da ti nakanani ma Keresiyana ma kegha, i vitumaghana na kwebuna, ma God ina rewapana ina tatakuputei. Nani wawayisi na kekitatawesi.

2 Pita 2:1

Ikikava mara wadubonai Israel damsi kamosiyai peroperoveta viviberosi imakamakai, nakanani weni maranai ina tupuwa, vibeyebeyena vibero wawayisi kurimi ina nekiibau. I vibeyebeyena nuwaviiviinina ina terei da aviyavisina tota Keresiyana titumaghanei da vonavaghata na ina virai da ami vitumaghana ini beroi. Bada igimaratawesi ma kegha da ina vonaveyaveyiyei ma ina vibadana ina veruvuvurei. I bera kubiine na marasago kovogha ina panani, God ina gwaramutusi.

2 Jon 1:10

Ma meni wawayina ina pisi ma ke Keriso ina vibeyebeyena vaghata ita kavarapiyei na ke koni kiikiiwei bo ke kona rutini ami ku numa.