Taitos 1:4 - God Vonana Vovokaravina

⁴ Ma Taitos kurim, kiiwa kiiwa. Ita vitumaghana kamonai, tam natuku vaghata. Ainowi Mamai God ma Yesu Keriso kata Viviyawa kurisi da i agabiibai ma i nuwanuba gwabimuwai ina makai.

Taitos 1:4 ပူးပေါင်းရင်းမြစ်များ

Luk 2:11

Karako David ina kwanatu kamonai kami Viviyawa itupuwa. Tuna na Bada, God ina Vivinevine Wawayina.

Jon 4:42

Damsi wavinena ivonei bo, “Wekarakava kavi tumaghana, ke tam kuta vonekai kubiine, ma takii mani ina sisiya kavi yanei kubiine. Wekarakava kakovi da vonavaghata, tuna na dobu kana Viviyawa.”

Rome 1:12

Tikoyaghavivirana da aku vitumaghana ina kiiepepimi ma nakanani bade ami vitumaghana ina kiiepepiku da ani rewapana.

Rome 1:7

Tuna kubiine na tami Rome wawayimi kurimi agirugiruma. God ina nuwaviina kurimi irakata ma ikwatumi da tami ina wawaya vovokaravimi. Ma ainowi ita Mamai God ma Bada Yesu Keriso kurisi da nuwanuba ma agabiibai ina veremi.

2 Korint 12:18

Ma Taitos avonatawei kurimi, varesita sago yavata. Ma nani kamonai ke vita ita veremi, ke iti beroberowemi da mura gwabimiyai ita yuna. Tuna ma taku na akii nota sago ma akii biga sago.

2 Korint 2:13

Ma avi nuwapoya kirakai da varesita Taitos ke ata panani. Tuna kubiine nani dobuna damsi avi kiruruwesi ma anae ku Masedoniya dobuna.

2 Korint 4:13

Giruma katamana ivona bo, “God avi tumaghanei na avi sisiyei.” Ma tokai nakanani kaitumaghana na God varana biibiina kaisisiyei,

2 Korint 7:6

Ma God wawaya nota pekupekusi nuwanuba evereveresi. Tokai bade nakanani iberai kurikai, maranai Taitos inekiibau na nuwanuba kapanani.

2 Korint 8:16

God aikiikiiwei da ikikava taku akayokayowana kirakiiyemi na bade nakanani God iberai da Taitos nuwanuwana kudubinai ekayokayowemi.

2 Korint 8:23

Ma Taitos na kaku viruwa ma yavata kamomiyai kabigabiga patapata. Ma bade Keresiyana damsi varevaresita ruwa ivinesi da kubiisi ebababa ma ivi ruwa Keriso kana kadara kubiine mara nonowa i bera na maninisi kavakava.

2 Korint 8:6

Tuna kubiine Taitos katupei da ina biga gwabimiyai ivi karei na ini kovini da tami bade kona votekateka, ini vitemi da ami verena ere nuwaviinimi kona berai.

Gareisiya 2:3

Kaku viruwa Taitos, tuna Grik wawaya ma kegha da aposol ke ita tupei da kwimatana bekana ita tuviviratawei.

Gareisiya 3:26

Ami vitumaghana tepanai na tami peyarimi God natunatuna, iyamna Yesu Keriso yavata kovi nuwasago.

Gareisiya 3:28

Karako na Jiu damsi ma kupuna damsi, sleiv wawayisi ma wawaya vovotawesi, tomowa ma wavine, kudubimi na sago, iyamna Yesu Keriso yavata kovi nuwasago.

Epesas 1:2

Ainowi God ita Mamai ma Bada Yesu Keriso kurisi da i agabiibai ma i nuwanuba ina veremi.

Kolosei 1:2

Tami iyavo kava Kolosei kamonai Keriso yavata koinuwasago ma koipatutu da wawaya vovokaravimi na ita Mamai God kurina ainowi da agabiibai ma nuwanuba ina veremi.

1 Timoti 1:12

Ita Bada Yesu Keriso aikiikiiwei da aku biga kubiine rewapana ivereku. Ma aikiikiiwei da ivi tumaghaneku ma ivineku da kubiine ata biga.

2 Timoti 1:1

Taku Pol, Yesu Keriso ina aposol agirugiruma. God ina kayowanai ivonataweku da ina vonakiiyapa bagibagina ata dimei da Yesu Keriso gwabinai yawasa taviiya.

2 Timoti 1:2

Timoti kurim, tam natuku ma aku nuwaviina kurim irakata kirakai. Ainowi Mamai God ma Yesu Keriso ita Bada kurisi da i agabiibai kurim ina rakata, ini kamyuyuwem ma nuwanuba ina verem.

2 Timoti 4:10

iyamna Demas ivotereku, dobu yawasina ivi nuwaviini da inae ku Tesalonika kwanatuna. Ma Kresen inae ku Gareisiya dobuna ma Taitos inae ku Darumesiya dobuna.

Taitos 1:3

Ikoyakoyagha da marana vaghata inekiibau na varana biibiina ivi debei. Ma God na kata Viviyawa ma tuna ivineku ma ivi tumaghaneku da nani varana ati debei aku dima kamonai.

Taitos 2:13

Nakanani tamakamakai ma tabanebanenega da maranai Yesu Keriso ere kadarina ina nekiibau. Tuna ita God ma bade kata Viviyawa rewapana kirakiina.

2 Pita 1:1

Taku Saimon Pita, Yesu Keriso ina aposol ma ina bigabiga. Tami iyavo kava Keriso koitumaghanei taku nakanani na agirugiruma kurimi. Ita vitumaghana na bera ghamana ma ibiibii kirakai. Ma nani vitumaghanina na ita God ma kata Viviyawa Yesu Keriso gwabinai taviiviiya. Ma tuna ina bera na maninina kavakava.

2 Pita 1:11

Ma God matuketa ina votawei da ita Bada Yesu Keriso, kata Viviyawa ina vikiivavona makamakii nonowina ku kamona kona rui ma ini kiikiiwa kirakiiyemi.

2 Pita 2:20

Wawaya ita Bada ma kata Viviyawa Yesu Keriso inakovi na dobu yawasina ina berabero ina veruvuvurei. Ma mikeda ini muritina da berabero ina kamowanisi ma ini badesi na i yawasa ina bero kirakai, ke rorova nakanani.

2 Pita 3:18

Ma ami yawasa kamonai kona gogo da ita Bada Yesu Keriso kata Viviyawa konakova bubuni ma ina agabiibai gwabimiyai ina makai. Tighegheni ma tavokavakavari da kana kadara ina rakata, karako ma mara nonowa. Amen.

2 Pita 3:2

Aku kayowana da aviyavisina mara katamaninai peroperoveta igirumi na kotakovi. Ma bade aviyavisina ita Bada, tuna kata Viviyawa ivi beyebeyena na kota notai, sisiya bagibagisi ina vibeyebeyena kamonai na ami aposol iveremi.

1 Jon 5:14

Ma titepatora da God kurina tamiiririya ma ina kayowanai kava tinowi kurina na takovi da ini yaneta.

Jud 1:3

Turaturaku, tami nuwanuwaku. Avovovunagha da ata giruma kurimi da ikikava Yesu Keriso tami ma taku ivi yawasita na ati sisiyei. Ma kegha da avoterei iyamna damina aviiya da wekarakava sisiya sago ati akovimi da ami vitumaghanai kota miirikikina ma koti tona da vonavibero kota miiripotei. God ina vonavaghata makamakii nonowina ivereta na tota ina wawaya vovokaravita na ke tavirai.