Rome 15:3 - God Vonana Vovokaravina

³ Keriso dobuwai imakai na ke tuna mani ina nuwabiibii kubiine ita makai. Ma giruma katamana kamonai ivona bo, “Wawaya iavaberowem na taku bade iavaberoweku.”

Rome 15:3 ပူးပေါင်းရင်းမြစ်များ

Matiu 10:25

Ma kovokovoghina da wawaya giruma ina voyavui da tuna ina vibeyebeyena wawayina nakanani. Ma ikikava ina tupuwa bigabiga wawayina ina bada kurina na bade nakanani ina tupuwa bigabiga kurina. Wawaya namada ivomiiri da rakaraka kii iyaroko ivi avaberowei ma ivonei da tuna Berusiburu. Ma bade ina vomiiri da peyarisi nani rakarakana kamonai ini avaberowesi.”

Matiu 26:39

Yesu ine gisina ma itawotei da maghighina ku tano ma inipowana bo, “Aku Mamai, kovokovoghina bo kegha da vokwarakwara reduna gwabikuwai kuta viitawei. Ma ke taku aku kayowana ma tam am kayowanai keberai.”

Matiu 26:42

Vaghina ma, mara viruwina ikuyowesi da ine gisina ma inipowana bo, “Mamai, mikeda ke kovokovoghina da vokwarakwara reduna kuna viitawei na vaghina, anumai da am kayowana ina tupuwa.”

Matiu 27:44

Ma nani tomotomowisi ruwa Yesu ririnai ituparatusi na ti yavata ivonavonaviiviiyakei.

Jon 15:10

Ma ikikava taku aku Mamai ina sisiya bagibagisi avovotekatekei da ina nuwaviina kamonai amakamakai na tami bade nakanani, aku sisiya bagibagisi kona votekatekei da tami aku nuwaviina kamonai kona makai.”

Jon 15:24

Mikeda taku bera ghamaghamasi ke ata berai na wawaya i berabero wavuna ke ita kavari. Ma nani berasi gwabisiyai aberai na ke sago wawaya dobuwai nakanani ita berai. Wawaya bera ghamaghamasi matasiyai ikitai ma kegha da taku aku Mamai yavata ebabarekai.

Jon 4:34

Ma Yesu ivona bo, “Kaku vavai na weni. Wawayina ivonataweku na ina kayowana ana berai da bigana ivereku ani koviya.

Jon 5:30

“Taku ke kovokovoghina da ina kiku kava bera ana berai. Aviyavisina God ina voneku na ani yanei ma wawaya ani tupaviresi. Ma aku vitupavira na vonavaghata tepanai, iyamna ke taku mani aku kayowana ata beraberai ma Wawayina ivonataweku, tuna ina kayowana aberaberai.”

Jon 6:38

iyamna wawayina kunumai ivonataweku aoru ku dobu na tuna ina kayowana ana berai ma ke taku aku kayowanai.

Jon 8:29

Wawayina ivonataweku na gwabikuwai. Ke ita kuyoweku, iyamna ina kayowana aberaberai.”

2 Korint 8:9

Ma konotai da Bada Yesu Keriso ina agabiibai irakata kirakai kurita. Ina yawasa biibiina peyarina ivoterei ma tami kubiimi ioru ku dobu da ivi wawayota. Iberai da tami wawayota na yawasa biibiina kota panani.

Pilipai 2:5

Ma Yesu Keriso ikikava inotanotai, nakanani kota notai.

Pilipai 2:8

Ivi wawaya tota nakanani ma ivokuwaya meyei ma ina Mamai ivotekatekei da korosiyai irabobo.