Rome 13:2 - God Vonana Vovokaravina

² Tuna kubiine, meni wawayina bada sago ini gheviravirai na God ina kayowana ikawakiikiiyei. Nani wawayina igheviravira na tuna kovogha ina viiya.

Rome 13:2 ပူးပေါင်းရင်းမြစ်များ

Matiu 23:13

“Tami vonaviyoyovana vibeyebeyena wawayimi ma Perisi dami, koti nuwapoya kirakai! Miiriruwaruwami! God ina vikiivavona ketana kogudugudui, iyamna ke ami kayowana da kota rui. Ma wawaya komiimiiripotesi da ti bade ke ina rui.”

Mak 12:40

Kwapukwapura iberoberowesi da i numa ma i sawara irapenei. Ma kayotata notasi gwabisiyai, tuna kubiine debiiyai eniponipowana guriguri. Iyavo kava nakanani eberaberai na kovogha berona ina viiya.”

Luk 20:47

Kwapukwapura iberoberowesi da i numa ma i sawara irapenei, ma ekayokayotata da eniponipowana guriguri. Wawaya nakanani na kovogha bero kirakiina ina viiya.”

Rome 13:1

Kudubita ita babada tavotekateka bubunisi, iyamna God ivi vaghinei da wawayisi ivi bada. Iyavo kava karako ivi badamakai na God nani ku gawarina iteresi.

Rome 13:3

Ma iyavo kava bera biibiisi eberaberai na i nuwapoya kegha da babada ita yabumanesi. Ma iyavo kava bera beroberosi eberaberai na ti damsi na babada ita yabumanesi. Kokayokayowei da babadisi ke kona yabumanesi na vaghina, bera biibiisi kava koberai da ini gheghenimi.

Rome 13:5

Tuna kubiine na bera ghamana da babada kovotekatekesi. Ke kovogha yabumanina kava kubiine ma koakovi da votekateka na bera maninina kubiine na kona votekateka.

Rome 9:19

Agunai kamomiyai wawaya viya weni sisiyisi ke koni vaghinei. Koni gheviravira bo, “Nakanani na avi kubiine God ini wavukai maranai kana vivitinakurukuru? Wawaya i rewapana kegha da ina vomiiri da God ina kayowana ina boriya.”

Taitos 3:1

Keresiyana wawayisi kevonavinotisi da kiikiivavo ma dobu babadisi i rewapana gaburinai ina makai bubuna ma ina votekatekesi. Ma ina banebanenega da maranai taraboga ina panani na bera biibiisi ina berai.

Jemes 3:1

Varevaresiku, ke peyarimi God vonana koni beyebeyena. Koakovi da tokai vibeyebeyena wawayikai na vitupavira maranai kakii vitupaviravira na ina bagibagi kirakai, ke wawayota viya nakanani.

1 Pita 2:13

Bada ina kayowana da babada peyarisi ma kiivavo ghamana ami dobuwai kona votekatekesi.