Revelation 7:4 - God Vonana Vovokaravina

⁴ Muriyai sisiya avi yanei da iyavo kava ikirumisi na peyarina ivi 144 tausan. Ma kudubisi na Israel kii dam kamosiyai.

Revelation 7:4 ပူးပေါင်းရင်းမြစ်များ

Genesis 15:5

Ma irutini ikiibau ku matara ma ivonei bo, “Ketepa ku kunuma da gwamegwame kuni yava tovoni. Kegha, ke kovokovoghina.” Vaghina ma, ivonei bo, “Tupurereghim ina peyari da gwamegwame nakanani.”

Matiu 19:28

Ma Yesu ivonesi bo, “Vonavaghata avonavonemi, mara epipisi da taku Wawaya Natusi na kiivavo kana gawara kadakadarinai ana makai. Ma tuna maranai tami bade ami kiivavo gawarisi ivi 12 kona viiya da kona makiivipika ma Israel kii dam ivi 12 koni tupaviresi.

Luk 14:22

Ina bigabiga ivovira ma ivona bo, ‘Bada, aviyavisina kuvoneku na aberai da wawayisi ipisi, ma gawara ke ita tupo.’

Luk 22:30

Nani maranai na aku kepanai takam ma tuma ma kiikiivavo kii gawariyai kona makai da dam ivi 12 Israel kamonai koni badesi.”

Apasol 26:7

Jiu damkai kaitumaghana da ikikava God vonakiiyapa bagibagina iterei kurikai na karakava ina berai. Tuna kubiine na kamokiiyai dam ivi 12 nuwanuwakii kudubinai mariyai ma didibarai God kavovokavakavari. Kiivavo Agripa, God ina vonakiiyapa bagibagina aitumaghanei kubiine na Jiu damsi viya iwavuwapawapiku.

Rome 9:27

Ma peroveta Aisaya irumamara da Israel kubiisi ivona bo, “Namanaki Israel ipeyari da gonugonu kikirai nakanani, ma kegha da voviyavina kava yawasa Bada gwabinai ina viiya,

Jemes 1:1

Taku Jemes, Bada Yesu Keriso ma God i bigabiga wawayiku. Tami Israel na kami dam ivi 12 ma kovi verubogebogeyana da dobu bogii ma bogiiyai kamosiyai komakamakai na tami kurimi agirugiruma. Kiiwa kiiwa.

Revelation 14:1

Ma akita na Sipu Gegeyina Zayon koyana tepanai imiimiiri akitai ma tuna yavata na wawaya 144 tausan ivivi miiriyana. Ti wawayisi na Sipu Gegeyina ina Mamai yavata kii vava namada maghitepasiyai ikiruma.

Revelation 14:3

Ma avi yanesi da tavora vuna ivuri. God ina vikiivavo gawarina maghinonai ma magumagura ivi 24 ma bade ghamoghamo yawayawasi ruwamaruwa na maghinosiyai itavotavora. Ma weni tavorina na ke kovokovoghina da meni wawayina ita karaviiviiyesi, iyamna nani 144 tausan na ti kava kii tavora. Ti na dobuwai ivivi makiiyana na God igimaratawesi da rapenai.

Revelation 7:5

Juda kana dam kamonai na 12 tausan ikirumisi, ma Ruben kana dam kamonai na bade 12 tausan ikirumisi, ma Ged kana dam kamonai na bade 12 tausan ikirumisi.

Revelation 9:16

Ma sisiya avi yanei da nani aneyisi vighaviya kubiine wawaya ivi 2 handred miliyon sago sago duma i hosi yavata iviinisi.