Revelation 6:2 - God Vonana Vovokaravina

² Ma akita da maghinokuwai na hosi poipoina imiimiiri akitai. Ma tepanai wawaya igeru na kraun iviiya ma ikotei, pidu ikavari ma ikiibau da kana ghavighaviya ita ghegavovorisi.

Revelation 6:2 ပူးပေါင်းရင်းမြစ်များ

Matiu 28:18

Yesu kurisi imiiririya ma ivonesi bo, “God rewapana ivereku da bera kudubina kunumai ma dobuwai ani badei.

1 Korint 15:25

iyamna Keriso ini kiivavo ina nenae da kana ghavighaviya God ina tereoruwesi da kae gaburinai.

Revelation 11:15

Muriyai na aneya kana vimiikovimaruwa ina ture iuveni na kunumai gamo ivivi kiirareyana bo, “Karako dobu kudubina na ita Bada God ma ina Vivinevine Wawayina yavata rapesiyai da ini badei. Ma God ina vikiivavona ina makii nonowa.”

Revelation 11:18

Dam ma dam ke ita vivitumaghanem na nuwanuwasi ipughu kirakai tam kurim, ma bade karako na am nuwapughu kana mara inekiibau. Ma bade marana ipisi da raborabobosi kuni tupaviresi. Marana inekiibau da am bigabiga ti na peroperoveta, ma bade am wawaya vovokaravisi, ghamaghamasi ma gisigisisi, iyavo kava kam vava ivovokaravei na kuni miiyesi. Marana inekiibau da iyavo kava dobu ekiikiiviberoi na kuna gwaramutusi.”

Revelation 14:14

Ma akita na maghinokuwai kwavu poipoina ma tepanai na wawaya imakamakai, kitana nakanani ma Wawaya Natusi. Ma gayaminai na kraun goldiyai iyamoni ikotei ma imanai na sikul gamgamna ivovotani.

Revelation 15:2

Ma akita na toka miirara kirakiina nakanani ma garasi akitai, ma bade kamonai kana kita na nakanani ma keyama ita yebayebara. Ma nani tokana baranai na iyavo kava, yegai ghamoghamona ma ina kokoitau ma kana vava nambina ighegavovori na ivivi miiriyana. Ma sago sago duma imasiyai na hap God iveresi ivovotani.

Revelation 17:14

Ti na Sipu Gegeyina yavata ini ghaviya. Ma kegha da Sipu Gegeyina kana kivikivina yavata ina ghegavovorisi, iyamna tuna na babada i Bada ma bade kiikiivavo i Kiivavo. Ma kana kivikivina, ti na iyavo kava ikwatusi ma ivinesi ma ivi patutu da ikivina bubuni.”

Revelation 19:14

Ma kunumai seri wawayisi kana muri ipotai ma kudubisi na hosi poipoisi kavakava igerui ma kii gara na bade poipoisi kavakava.

Revelation 3:21

Taku bera kudubina aghegavovori da aku Mamai ina vikiivavo gawarinai yavata kamakamakai ma kaibada patapata. Ikikava aberai na bade iyavo kava nakanani ina berai da ruyagha ma nuwapoya kudubina ina ghegavovori na ani vaghinei da aku vikiivavo gawarinai yavata kana makai ma kani bada patapata.’

Revelation 9:7

Ma nani madikapokisi kii kita na nakanani ma hosi ivovunagha, kii terepapara ivi kote da vighaviya kubiine. Ma gayamisiyai na nakanani ma gold kraun iti kote. Maghighisi na nakanani ma wawaya,