Revelation 21:3 - God Vonana Vovokaravina

³ Ma avi yanei da God ina vikiivavo gawarinai gamo ghamana ivona bo, “Karako God ina numa na wawaya kamosiyai ma yavata ina makii patapata. Ti na ina wawaya, ma tuna na i God, iyamna tuna mani inoru da kamosiyai ina makai.

Revelation 21:3 ပူးပေါင်းရင်းမြစ်များ

Jon 1:14

Ma Vonana ivi wawaya da yavata tamakii patapata. Tuna na God Natuna sago kava na kana kadara kakitai. Ma agabiibai ma vonavaghata gwabinai irakata kirakai.

Jon 14:23

Ma Yesu ivonapotei bo, “Wawaya iyai aku vibeyebeyena iyanei ma evovotekatekei, tuna wawayina nuwanuwaku iviiya. Ma aku Mamai wawayina nuwanuwana ina viiya. Ma taku aku Mamai yavata kana nae kurina da gwabinai kana makii patapata.

2 Korint 6:16

Tota na God Yawayawana ina taparoro numana. Ma ikikava God ina taparoro numana ma kokoitau yavata vivaghina ina berai? God namada ivona bo, “Taku aku wawaya gwabisiyai ana makamakai ma kamosiyai ana bababa. Taku na i God ma ti na aku wawaya.”

2 Korint 6:18

Ma Bada Rewapana Kirakiina ivona bo, “Nani maranai taku na ami Mamai ma tami na natunatuku.”

1 Tesalonika 3:11

God ita Mamai ma ita Bada Yesu kurisi kainowi da keta ina vovunaghi da kana pisi kurimi.

Hibru 11:16

Ma ti na dobu kiimatana iekwekwai, i kayowana da i dobu vaghata na kunumai. Tuna kubiine God ke ita vivinimayesi ma ivi vaghinei da ti damsi kurina evonavona da tuna na i God. Ma kubiisi namada i kwanatu iyamoni ikovi.

Hibru 8:10

‘Mara epipisi da Israel damsi yavata vivaghina makamakiina weni nakanani kana berai, Aku vonaviyoyovana ku gayamisi ana terei, ma nuwanuwasiyai ana girumi. Taku na i God, ma ti na aku wawaya.’

Hibru 8:2

Ma tuna yobe vovokaravina kamonai God ina biga eberaberai. Ma nani yobena na vokavara kana gawara vaghata. Ke wawayota ita vowai ma Bada tuna mani ivowai.

Revelation 10:4

Ma nani warikeyakeyisi ivi sisiya ikovi na ata giruma. Ma gamo sago kunumai ioru da ivoneku bo, “Warikeyakeya miikovimaruwa ikikava ivi sisiya na kegudui, ke kuna girumi.”

Revelation 10:8

Ma nani gamona kunumai avivi yanei na bade kuriku ivi sisiyame. Ivona bo, “Kenae da aneya yegai ma tano tepanai emiimiiri na pepa gisina vovotatena imanai kuna viiya.”

Revelation 12:10

Muriyai na gamo ghamana kunumai ioru avi yanei da ivona bo, “Marana vaghata inekiibau da ita God ina wawaya yawasa makamakii nonowina evereveresi. Karako na God ina vikiivavona ma rewapana inekiibau. Wekarakava na ina Vivinevine Wawayina ina rewapana ivi debei da ini bada. Rorova Seitan, God maghinonai imiimiiri da mariyai ma didibarai Keresiyana turaturata ivivi wavusi na karako nani berana na ikovi, iyamna namada ikutawei ioru ku dobu.

Revelation 21:7

Ma iyavo kava nuwapoya ma ruyagha ina ghegavovori ma ina miiribagibagi da ku damona na weni yawasina na ani damani kurisi. Ma taku na i God ma ti wawayisi na natunatuku.

Revelation 22:3

Rorova God dobu imagi na karako ivotawei ma ke meyani da aviyavisina sago inimaga meyei. Ma God ma Sipu Gegeyina yavata i vikiivavo gawarina kava nani kwanatuna kamonai ina makamakai da ina bigabiga wawayisi ina vovokavakavari.

Revelation 7:15

Tuna kubiine na, ‘Kii gawara na God ina vikiivavo gawarina maghinonai da mariyai ma didibarai evovokavakavari ina taparoro numana kamonai. Ma God rogunai ina makai da ina koyagha bubunisi,