Revelation 15:3 - God Vonana Vovokaravina

³ Ma kudubisi na God ina bigabiga wawayina Moses ma Sipu Gegeyina kii tavora ivuri na itavori bo, “Bada God rewapana kirakiim, am bera kudubina na kiimatanina ma notakavakavana. Tam na dam ma dam i kiivavo, am bera na maninina ma biibiina kavakava.

Revelation 15:3 ပူးပေါင်းရင်းမြစ်များ

Genesis 17:1

Abram kana madegha 99 na Bada inekiibau kurina ma ivona bo, “Taku na ‘El Sadai,’ God Rewapana Kirakiiku. Kevotekatekeku ma kevi wawaya bubuna da am yawasa na maninina kavakava.

Jon 1:17

Vonaviyoyovana na God ivi damani Moses kurina da iti debei wawaya kurisi. Ma agabiibai ma vonavaghata na Yesu Keriso gwabinai ipisi.

1 Timoti 1:17

Vokavakavara ma vigheghena Kiivavo Ghamana kurina. Tuna makamakii nonowina, ke meyani ina rabobo. Ke kovokovoghina da matatiyai takitai ma tuna kava na God vaghata. Mara nonowa wawaya ini ghegheni ma ina vokavakavari. Amen.

Hibru 3:5

Moses na God ina bigabiga, ma ina biga ibera bubuni da God ina wawaya ikoyaghisi. Ma aviyavisina Moses iberaberai na ivivi matakira da God ina bera vaghata karakava ini debei.

Revelation 1:8

Bada God evonavona bo, “Taku na Alfa ma Omega, bera karena ma bera damona. Makamakii nonowiku, rorova, karako ma maram. Taku rewapana kirakiiku.”

Revelation 11:17

Ivonavona bo, “Bada God rewapana kirakiim, tam rorova ma karako kemakamakai. Kaikiikiiwem da am rewapana ghamana kuviiya da am vikiivavo kuvi karei.

Revelation 14:3

Ma avi yanesi da tavora vuna ivuri. God ina vikiivavo gawarina maghinonai ma magumagura ivi 24 ma bade ghamoghamo yawayawasi ruwamaruwa na maghinosiyai itavotavora. Ma weni tavorina na ke kovokovoghina da meni wawayina ita karaviiviiyesi, iyamna nani 144 tausan na ti kava kii tavora. Ti na dobuwai ivivi makiiyana na God igimaratawesi da rapenai.

Revelation 14:8

Ma murinai na aneya kana viruwa iverununuri ma ikiirara bo, “Ipeku. Babilon, kwanatu ghamanakina ma kegha da ipeku. Tuna dam kudubisi inuwatinisi da ina berabero ku kamona irui. Ina wain rewapanina iveresi da iuma neghanegha ma yavata ivi pekana wapawapa. Ma karako na ipeku.”

Revelation 17:14

Ti na Sipu Gegeyina yavata ini ghaviya. Ma kegha da Sipu Gegeyina kana kivikivina yavata ina ghegavovorisi, iyamna tuna na babada i Bada ma bade kiikiivavo i Kiivavo. Ma kana kivikivina, ti na iyavo kava ikwatusi ma ivinesi ma ivi patutu da ikivina bubuni.”

Revelation 19:16

Ma kana gara ma vaghana tepanai na kana vava weni nakanani igirumi, “Kiikiivavo i Kiivavo ma babada i Bada.”

Revelation 19:2

Ina vitupavira kamonai biibiina ma berona eruvaruva bubuni da kudubina na maninina kavakava. Nani wavinena madamadawarina ina vipekana wapawapai na wawaya dobuwai itinaviresi. Ma God ina bigabiga ivivi kiivunuwana da tarasi isororo. Tuna kubiine God wavu iverei ma ku berona iterei da tarasi biwana iviiya.”

Revelation 4:8

Ma sago sago duma na mapesi miikovimasago ma tupuwisiyai na mata kavakava, mapemapesi gaburisiyai yavata. Mara ma didibara, ke meyani da kawasi ita potapota, evonavona bo, “Vovokaravim, vovokaravim, vovokaravim, tam Bada God rewapana kirakiim. Tam makamakii nonowim, rorova, karako ma maram.”