Revelation 13:7 - God Vonana Vovokaravina

⁷ Ma rewapana iviiya da God ina wawaya vovokaravisi yavata iti ghaviya da ita ghegavovorisi. Ma bade rewapana iviiya da dam ma dam, wawaya i dobu ma gamosi bogii ma bogiiyai iti badesi.

Revelation 13:7 ပူးပေါင်းရင်းမြစ်များ

Revelation 11:7

Ivi ruwa God ina sisiya ini mamatarei ina kovi na ghamoghamo kayakayayina Abis bonaghina kamonai ina ghae ma yavata ini ruwa da ina ghegavovorisi ma ini kiivunuwana.

Revelation 12:17

Nani murinai na dragon nuwanuwana ipughu kirakai nani wavinena kurina da ivomiiri inae da wavinena tupurereghina yavata iti ghaviya. Ti wawayisi na iyavo kava God vonana evovotekatekei ma debiiyai imamatara da Yesu itumaghanei.

Revelation 17:15

Ma tuna murinai na aneyina ivoneku bo, “Okowisi kukitai, wavinena madamadawarina imakiitani na iyamna weni. Nani okowisi na wawaya, ti na dam ma dam kamosiyai, i dobu ma kitasi ma gamosi bogii ma bogiiyai.

Revelation 11:18

Dam ma dam ke ita vivitumaghanem na nuwanuwasi ipughu kirakai tam kurim, ma bade karako na am nuwapughu kana mara inekiibau. Ma bade marana ipisi da raborabobosi kuni tupaviresi. Marana inekiibau da am bigabiga ti na peroperoveta, ma bade am wawaya vovokaravisi, ghamaghamasi ma gisigisisi, iyavo kava kam vava ivovokaravei na kuni miiyesi. Marana inekiibau da iyavo kava dobu ekiikiiviberoi na kuna gwaramutusi.”

Jon 19:11

Ma Yesu ivona bo, “Kara ke kovokovoghina da kuti badeku, ma God rewapana iverem kubiine. Ma nani tomowina ku imam itereku na tuna wawayina ina berabero irakata kirakai, ke tam nakanani.”

Revelation 10:11

Ma aneya ivoneku bo, “Kuni peroveta, God ina sisiya kuni yonayona meyei da aviyavisina ina tupuwa wawaya dam ma dam kamosiyai, i dobu ma gamosi bogii ma bogiiyai ma bade kiikiivavo kurisi.”

Revelation 5:9

Ma Sipu Gegeyina kurina tavora vuna ivuri. “Tam wawaya kiimatanim, tuna kubiine kovokovoghim da pepa nokuna kuviiya ma pasisi kuna votawei, iyamna ikiivunum ma taramuwai wawaya, dam ma dam kamosiyai, i dobu ma gamosi bogii ma bogiiyai, kudubisi kugimaratawesi da God rapenai.

Luk 4:6

ma ivonei bo, “Kudubina rapekuwai. God ku imaku iterei da aku kayowanai wawaya ana verei.