Revelation 12:2 - God Vonana Vovokaravina

² Ma wavinena na roperopeyina ma idagui vituwa kubiine, ma damina ivii kavai na ikiikiirara ma ivovokwarakwara.

Revelation 12:2 ပူးပေါင်းရင်းမြစ်များ

Matiu 24:8

Weni berasi na nakanani ma wavine vituwa kubiine ita dagui da ita vivivowavowa.”

Jon 16:21

Tuna na nakanani ma wavine vituwa kubiine ita vivivowavowa ma ita vovokwarakwara. Ma natuna ini tuwei murinai na ina vokwarakwara ina kovi ma ini nuwabiibii kirakai, iyamna natuna ivi tuwatawei ku dobu.

Gareisiya 4:19

Natunatuku, tami nuwanuwaku, ma ikikava maduwa vituwa kubiine ita vivivowavowa, nakanani taku damiku aviiviiya kubiimi da kota tupuwame da tami Keriso nakanani.

Gareisiya 4:27

iyamna giruma katamana evonavona bo, “Wavine gagarim, kevi nuwabiibai! Tam ke meyani vituwa damina kuta viiya na nuwabiibiiyai kekiirara! Iyamna rorova na gagarim da kawam ikuyowem, ma karako natunatum ipeyari kirakai, Ma wavine mara nonowa kawana yavata emakamakai na natunatuna ke iti koroto, tam natunatum nakanani.”

Revelation 12:4

Ma giuna ivi ruwini da kunumai gwamegwame nevanevana ikiiririghi ioru ku dobu. Ma dragon na wavinena iurotani da maranai pepeya ita makamakiitawei na pepeyina ita kutasikai ma ita kani.