Matiu 5:14 - God Vonana Vovokaravina

¹⁴ “Tami na dobu kana yasegana. Ma kwanatu koya tepanai na yaseganina ke kovokovoghina da ina gavui, wawaya peyarisi ina kitai.

Matiu 5:14 ပူးပေါင်းရင်းမြစ်များ

Pilipai 2:15

Koberai da tami na wawaya maninimi ma ke sago berona gwabimiyai da tami God natunatuna biibiimi. Weni kimtina dobuwai ti na beroberosi, didibara wawayisi ma kamosiyai komakamakai da nakanani ma gwamegwame didibarai ita karakarata.

Jon 8:12

Yesu ivi karei da koroto kurisi ivi sisiya na ivonesi bo, “Taku na dobu kana yasegana. Wawaya ina kiviniku na ke meyani nubakutuvai ina baba, ma nani yaseganinai na yawasa vaghata ina panani.”

1 Tesalonika 5:5

Peyarimi na yasegana ma mara wawayimi. Tota ke didibara ma nubakutuva wawayita.

Jon 12:36

Yasegana gwabimiyai na ami vitumaghana kurina koterei da tami na yasegana natunatuna.” Yesu ivi sisiya ikovi na inekuyowesi. Ma nani murinai na iveraveruvuvuresi.

2 Korint 6:14

Iyavo kava ke ita vivitumaghana na ke yavata koni kiikapu. Ikikava biibiina ma berona ini kiikapu? Yasegana ma nubakutuva ke ina makii patapata.

Jon 5:35

Jon tuna nakanani ma rampa karakaratina ere yaseganina. Ma tami mara tupona nani yaseganina kokayowei da kovi nuwabiibiiyei.

Revelation 1:20

Katagheyaku kamonai gwamegwame miikovimaruwa ma bade rampa kii tutura kiisi miikovimaruwa kukitai na iyamna gavugavuna ani debei kurim. Rampa kii tutura kiisi miikovimaruwa, ti na vitumaghana damsi nani kwanatusi miikovimaruwa kamosiyai. Ma gwamegwame miikovimaruwa imaku kamonai, ti na aneya. Kwanatu nununai vitumaghana damsi kii koyakoyagha.”

Jon 9:5

Wekarakava taku dobuwai amakamakai na taku na dobu kana yasegana.”

Revelation 2:5

Konotai da karenai na koghe kirakai ma karako koru kirakai. Kotinimaya ma berabero kota voterei da rorova ikikava aku kayowana koberaberai na karako nakanani kota berai. Ami yawasa ke kona virai na ana pisi da gwabimiyai ami rampa kana tutura ana viitawei.