Matiu 20:4 - God Vonana Vovokaravina

⁴ Ma ivonesi bo, ‘Tami bade konae da aku vao kamonai kona biga ma ani miiya bubunimi.’

Matiu 20:4 ပူးပေါင်းရင်းမြစ်များ

1 Pita 1:13

Tuna kubiine, wekarakava ami nota koreregha bubuni ma kovovunagha da nota manininai koni potepote meyemi. Ami nota evi rewapana ma nimonimoriyai kotumatuma da God ina agabiibai ini debei kurimi maranai Yesu Keriso ina nekiibau.

Taitos 3:8

Weni sisiyisi peyarina na vonavaghata. Akayokayowei da ere rewapanim kuni sisiya kirakai da iyavo kava God itumaghanei ina kitaruvai da bera biibiisi mara nonowa ina beraberai. Nakanani ina berai da wawaya peyarisi iyamna biibiina ina panani.

Kolosei 4:1

Tami babada, ami sleiv na nota manininai koni badesi ma kona koyagha bubunisi. Konota bogai da tami bade ami Bada kunumai emakamakai.

1 Korint 6:11

Rorova tami viya na nani berasi koberaberai. Ma Keriso ami berabero ikowatawei ma God ivinemi da tami ina wawaya vovokaravimi, iyamna Bada Yesu Keriso ma ita God Kanumina iberimi da tami na maninimi.

Matiu 9:9

Yesu nani dobuna ikuyowei ma ibaba inenae da tomowa kana vava Matiu ikitai, tuna teks yuyuna yobena kamonai imakamakai. Ma ivonei bo, “Kekiviniku.” Ma Matiu ivomiiri da ikivini.

Matiu 20:3

“Madegha ighepaka ma vao badana mara viruwina ikiibau ma vigimagimara gawarinai ikita da tomotomowa viya ivivi miiriyana, i biga kegha.

Matiu 20:5

Vaghina ma, tomotomowisi inae.” “Ma vao badana na madegha punai ma ravi madeghinai na bade berana sago iberai.