Matiu 1:2 - God Vonana Vovokaravina

² Abraham natuna na Aisiki, ma Aisiki natuna na Jeikap, ma Jeikap natunatuna na Juda titina yoghoyogho yavata,

Matiu 1:2 ပူးပေါင်းရင်းမြစ်များ

Genesis 25:19

Weni tuna na Abraham natuna Aisiki ina varagutugutu.

Genesis 25:26

Ma murimurina ikiikiibau na iyarokona ku kaekarena ivokikita vaghata, tuna kubiine ivi vavei, ‘Jeikap.’ Aisiki kana madegha 60 na Rebeka nani ededisi ivi tuwesi.

Matiu 1:1

Kimta ma kimta kamonai na Yesu Keriso ina kaekiki mau kii vava girumina na weni. Yesu na Kiivavo David tupurereghina, ma David na Abraham tupurereghina.

Matiu 1:3

Ma Juda natunatuna na Peres ma Zera, ma i maduwa na Tama, ma Peres natuna na Hesron, ma Hesron natuna na Ram.

Apasol 7:8

Ma God, Abraham yavata vivaghina makamakiina iberai ma matakirina na Abraham kwimatana bekana ituviviratawei. Ma Abraham natuna Aisiki itupuwa na mara kana vi 8 kamonai tuna bade kwimatana bekana ituviviratawei. Ma muriyai Aisiki imagura ma ivi tuwa da natuna Jeikap. Ma Jeikap imagura ma ivi tuwa da natunatuna ivi 12, ma ti na Israel damta ita kaekiki mau.”

Hibru 11:11

Abraham ina vitumaghana kubiine na kawana Sera yavata ivi tuwa, namanaki da imorapa kirakai ma kawana na gagarina. Ivi tumaghana da God ikikava vonakiiyapa bagibagina iterei na nakanani ina berai.

Hibru 7:14

Peyarita takovi da ita Bada na Juda tupurereghina. Ma Moses suwara kapuna babadisi ivi sisiyesi na ke meyani ita vonei da wawaya Juda kana dam kamonai ita vinei da suwara ita kapuni.

Revelation 7:5

Juda kana dam kamonai na 12 tausan ikirumisi, ma Ruben kana dam kamonai na bade 12 tausan ikirumisi, ma Ged kana dam kamonai na bade 12 tausan ikirumisi.