Mak 9:35 - God Vonana Vovokaravina

³⁵ Yesu imakiipikapika ma kana kivikivina ivi 12 ikwatusi ma ivonesi bo, “Mikeda kekayokayowei da God matanai kuni nao na kevi muritaweyana. Ketereoruwe meyem da tam turaturam i bigabiga.”

Mak 9:35 ပူးပေါင်းရင်းမြစ်များ

Matiu 23:11

Ma wawaya ghamakirakiina kamomiyai na ami bigabiga wawayina.

Mak 9:36

Ma wawaya kikei sago irutinapiyei da basusiyai ivi miirini. Ku dogarina iterei ma kana kivikivina ivonesi bo,

Luk 18:14

Ma Yesu ivona bo, “Avonavonemi da God weni tomowina ina bera beroberosi peyarina inotatawei da nuwanuwana yagharina ma ikiibau inae ina ku numa, ke nakanani ma Perisi tomowina. Iyavo kava ekayokayotata ma enotanotai da ighe kirakai na God ina tereoruwesi. Ma iyavo kava ina tereoruwe meyesi na God ina terepisi.”

Luk 22:26

Ma tami na ke nakanani kona berai. Kamomiyai wawaya ghamana ina tereoruwe meyei da tuna nakanani ma wawaya kikei. Ma meni wawayina ini bada na ina tereoruwe meyei da tuna nakanani ma bigabiga wawayina.

Jemes 4:6

Ma kegha da God ina agabiibai everevereta na ivi rewapana kirakai. Giruma katamana ivona bo, “God wawaya kayotatasi na emiimiiripotesi, ma wawaya vovokuwayisi na ina agabiibai evereveresi.”