Mak 8:6 - God Vonana Vovokaravina

⁶ Ma Yesu nani korotona ivonesi da tanowai ita makiipikapika. Parawina iviiya ma God ivi kiikiiwei, ivogimagimai ma kana kivikivina iveresi da ivorereghi koroto kurisi.

Mak 8:6 ပူးပေါင်းရင်းမြစ်များ

Matiu 26:26

Ikamkam kamonai na Yesu parawa sago iviiya ma God kurina ivi kiikiiwa ma ivogimai da kana kivikivina irereghisi. Ma ivonesi bo, “Koviiya ma kokani. Weni tuna tupuwiku.”

Mak 8:20

“Ma bade parawa miikovimaruwa avogimagimai da tomotomowa 4 tausan avi kanisi. Ma puwata kodesi viya kovi tupoi?” Ma ivonapotei bo, “Kode miikovimaruwa.”

Mak 8:5

Ma Yesu ivi tarakiiyanesi bo, “Parawa viya gwabimiyai?” Ma kana kivikivina ivonapotei bo, “Parawa miikovimaruwa.”

Mak 8:7

Ma bade iyana gisigisi viya imakamakai na Yesu iviiya da God ivi kiikiiwei. Ma kana kivikivina ivonesi da ita vorereghi.

Luk 12:37

Ina kitisi da ebanebanenega na ini nuwabiibii kirakiiyesi. Vonavaghata avonavonemi, nani badana ina tereoruwe meyei da bigabiga kana gara ina kotei ma ina vonesi da ina makai ma ina kam ma tuna mani ina koyaghisi.

Luk 24:30

Kam kubiine na parawa iviiya ma God ivi kiikiiwei ma ivogimai. Ma ivi karei da ita veresi.

Jon 2:5

Ma kegha da ina maduwa bigabiga wawayisi ivonesi bo, “Aviyavisina ina vonemi na koberai.”

Jon 6:23

Damsi ivivi nuwanotanota ma Taiberiyas damsi i waka viya inekiibau. Ma imapatana Bada parawa iviiya, ivi kiikiiwa ma wawaya iveresi ikam na nani dobunai wakasi iwota.

Rome 14:6

Iyi ina nota da mara sago na tuna mara vovokaravina na vaghina, iyamna nani maranai na Bada kurina evovokavakavara. Ma iyi God ini kiikiiwei ma ina kam wapawapa na Bada ivaghinei da ekamkam. Ma iyi isiya na bade vaghina, iyamna Bada God kubiine eberaberai na nani kamonai God ikiikiiwei.

Kolosei 3:17

Ma aviyavisina kudubina kona beraberai bo kona vivisisiyei na Bada Yesu avanai koberai ma tuna tepanai Mamai God koni kiikiiwei.