Mak 7:34 - God Vonana Vovokaravina

³⁴ Ma itepa da ku kunuma ikita. Ma yana itawei ma tomowina kurina ivona bo, Ephphatha, weni sisiyina iyamna ‘Kevotawei.’

Mak 7:34 ပူးပေါင်းရင်းမြစ်များ

Mak 1:41

Ma Yesu ivi kamyuyuwei na ivororona da tomowina ivotovoni. Ma ivona bo, “Aivaghinei. Keyawasa.”

Mak 15:34

Ma tuna maranai Yesu ikiirara bo, “Eloi, Eloi, lama sabachthani?” iyamna, “Aku God, aku God, avi kubiine kukuyoweku?”

Mak 5:41

Imana iviini ma ivonei bo, “Talitha, koum” iyamna “Wavine kikei, kevomiiri.”

Mak 6:41

Ma Yesu na parawa miikovi ma iyana ruwa iviiya ma itepa ku kunuma da God ivi kiikiiwei. Ma parawa ivogimai ma kana kivikivina iveresi da ita rereghi koroto ghamana kurisi. Ma bade iyana ivogiiya ma iveresi da irereghi.

Mak 7:35

Yaghiyaghinai tinina itamobau da ivi yana, ma pepana ivi kiivirei da ivi sisiya bubuna.

Mak 8:12

Ma Yesu yana itawei ma ivona bo, “Tami weni kimtina kokayokayowei da bera ghamana kota kitai. Ma vonavaghata avonavonemi da kubiimi na ke avi berana ana berai.”

Luk 18:42

Ma Yesu ivona bo, “Kekita. Kuvi tumaghana kubiine kuyawasa.”

Luk 19:41

Yesu ipipisi Jerusalem ku ririna da kwanatuna ikitai na ivi nuwapoyei da ituwei.

Luk 7:14

Muriyai inae ku rito ma ivotovoni ma iyavo kava ikavakavari na ivi kiimiiriyesi. Ma Yesu ivona bo, “Yaraga, avonavonem da kevomiiri.”

Jon 11:33

Yesu ikitai da itutusiyasiyapa ma bade iyavo kava Meri yavata ipisi na ikitisi da ivivi tutuwana. Ma ivi nuwapoya kirakai da nuwanuwana idugari.

Jon 11:35

Ma Yesu matadogana isororo.

Jon 11:38

Lasaras tupuwina na buba kamonai ma matuketa na wakimiyai igudui. Ma Yesu ku karawaga inekiibau ma ivi nuwapoya kirakai da nuwanuwana idugara meyei.

Jon 11:41

Ma damsi guduna ivotawei ma Yesu itepa ku kunuma ma ivona bo, “Mamai, aikiikiiwem da kuvi yaneku.

Jon 11:43

Yesu inipowana ikovi na gamo tepanai ikiirara bo, “Lasaras, kekiibau.”

Jon 17:1

Yesu weni sisiyisi ivi kovini na itepa ku kunuma ma ivona bo, “Mamai, marana inekiibau. Taku na natum ma kaku kadara kevi debei da kaku vava ina rakata. Ma bade nani kamonai kam kadara ani debei da kam vava ina rakata,

Apasol 9:34

Ma Pita ivona bo, “Aineyas, Yesu Keriso iyawasim. Kevomiiri ma am riyapa kenokui.” Ma Aineyas iyawasa da ikayovomiiri.

Apasol 9:40

Ma Pita peyarisi ivonatawesi ikiibau ma ina kina kava ivi tuwaporeruruwana da inipowana. Itavire wavinena raborabobona kurina ma ivonei bo, “Tabita, kevomiiri!” Yaghiyaghina matana itamotatagha da Pita ikitai ma ivi kiimakiiyei.

Hibru 4:15

Ma ita vopeku maranai na ita suwara kapuna badana ikamyuyuwaviiviiyeta, iyamna ikikava ruyagha bogii ma bogiiyai tapanapanani nakanani ipanani, ma kegha da tuna na ke meyani berabero sago ita bera tovoni.