Mak 7:20 - God Vonana Vovokaravina

²⁰ Ma ina sisiya ikwapanatini bo, “Aviyavisina berona wawaya nuwanuwana kamonai ina ghetawei na tuna ini dadabui God matanai.

Mak 7:20 ပူးပေါင်းရင်းမြစ်များ

Matiu 15:18

Nota berona wawaya nuwanuwana kamonai egheghetawei da kawanai sisiyina ekarakaratawei. Tuna ina berai da God ku matana wawayina na dadabuna.

Matiu 4:4

Yesu ivonapotei bo, “Giruma katamana evonavona bo, ‘Wawaya ke parawa kava tepanai ita makamakai ma God gwabinai vonana ekiikiibau na tuna tepanai ina makai.’ ”

Mak 7:15

Aviyavisina wawaya tupuwina kupunai ina rutonai da ku kamokamona ina rui na ke nuwanuwana ini dadabui. Ma aviyavisina berona nuwanuwana kamonai ina ghetawei da berabero ina berai na tuna ina yawasa ini dadabui.”

Mak 7:21

Wawaya nuwanuwana kamonai nota dadabusi egheghetawei da tuna berabero eberaberai da vipekana wapawapa, yapiyapi, kiivunuwa, vitunebo,

Mak 7:23

Weni berasi beroberosi peyarina wawaya nuwanuwana ma ina nota kamonai ekiikiibau na eberaberai da wawayina na dadabuna God ku matana.”

Hibru 7:6

Ma Melkisedeki tuna na ke Livai tupurereghina, ma kegha da kana reregha Abraham gwabinai iviiya. Ma ku tepana Melkisedeki ivomiiri da Abraham ivi biibiini, namanaki da Abraham namada God ina vonakiiyapa bagibagina kamonai imakamakai.

Jemes 3:6

Ma pepata na nakanani ma keyama karakaratina. Pepata ina berona irakata da ita yawasa kamonai karena da ku damona kudubina ini beroi. Nani keyama karakaratina ina karagavovorita, iyamna sisiya beroberosi Seitan gwabinai epipisi.

Jemes 4:1

Avi kubiine kamomiyai vivonapasipasiyana ma viruwa irakata? Iyamna na weni, tami mani ami kayowana beroberosi nuwanuwami epiropiroi.