Mak 6:48 - God Vonana Vovokaravina

⁴⁸ ma ikitataweyana da kana kivikivina wakiiyai ivivi paparana, yanunu ivoivoi potepotei. Mara tomtom nubakutuvina kamonai, Yesu okowa tepanai ibaba inenae da namada kurisi inenekiibau. Ita kiivuresi iti nao

Mak 6:48 ပူးပေါင်းရင်းမြစ်များ

Genesis 19:2

Ma ivonesi bo, “Aku babada, taku ami bigabiga wawayiku na weni. Ibiibai da kota pisi aku ku numa. Gwabikuwai kaemi kona kowa ma takena da maram mara boiboi vaghata kona nae.” Ma ivona potei bo, “Kegha, tokai na kwanatu basunai yagharinai kana kena.”

Genesis 32:26

Muriyai tomowina ivona bo, “Mara ikwata ma kevotereku ana nae.” Ma Jeikap ivonapotei bo, “Kuni biibiiniku na ana voterem da kuna nae.”

Matiu 14:24

ma waka na namada ikiibu kirakai. Ma yanunu maghinosiyai ipipisi ma tovava ghamaghamasi waka irugerugei.

Matiu 24:43

Koviyana. Numa badana itakovi da avi maranai yapiyapi wawayina ita pisi na numa iti tarapaparanei da yapiyapi wawayina ke kovokovoghina da numa ita gavovori da ita rui.

Mak 13:35

Ma tami bade nakanani, matami ekita, iyamna ke kotakovi da avi maranai numa badana ina vovira. Raviyai bo didibara punai, kokoreko ina vivitutuwana kamonai bo mara tomtomwai.

Mak 6:47

Ivi didibari ma i waka na toka basunai. Ma Yesu ina kina kava na tanowai

Mak 6:49

ma kana kivikivina ikitai da wawaya sago okowa tepanai ibababa, ma ti inotai da momosika da peyarisi ikiirara

Luk 12:38

Vona bubuna da i bada didibarai ina vovira ku numa ma ina pananisi da patana da ebanebanenega na ini nuwabiibai. Namanaki kokorereko kana viruwa bo viarobina kamonai ina nekiibau kurisi ma kegha da matasi ina kitakita na ini nuwabiibii kirakiiyesi.

Luk 24:28

Namada ku Emeyas inenekiibau ma Yesu iberai da nama maninina ita nenae.

Jon 1:13

Ma God natunatuna i yawasa na God gwabinai ipisi. Ma nani yawasina na ke kaekiki mau bo tomowa kawana yavata gwabisiyai ita pisi.