Mak 5:39 - God Vonana Vovokaravina

³⁹ Irui ma ivonesi bo, “Avi kubiine kotutou ma kosiyasiyapa? Kovoterei! Wawaya kikei ke ita rabobo, ekenakena.”

Mak 5:39 ပူးပေါင်းရင်းမြစ်များ

Matiu 9:24

Ma ivonesi bo, “Konetaweyana. Wavine kikei ke ita rabobo, ekenakenota.” Ma wawayisi ivi namei.

Mak 5:38

Jairas ina ku numa inekiibau na Yesu nipu ghamana ivi yanei, wawaya itutuwenoweno ma isiyasiyapa.

Mak 5:40

Ma wawayisi Yesu ivi namei. Ikwavinisi ikiibau da wavine kikei ina mamai, ina maduwa, ma kana kivikivina ivi aroba na ti kava irutinisi da irui wavine kikei kurina.

Apasol 20:10

Pol ioru ma tomowina itaraghavui ma ivonesi bo, “Ke koni nuwapoya. Iyawasa.”

1 Korint 11:30

Tami viya nakanani koberaberai kubiine na mitamitami ma gubagubagimi ma kamomiyai wawaya viya namada irabobo.

1 Tesalonika 5:10

Irabobo tota kubiita ma mara sago ina vovira, da vitumaghana damta raborabobosi ma yawayawasita gwabinai tamakai.