Mak 5:34 - God Vonana Vovokaravina

³⁴ Ma Yesu ivona bo, “Wavine, am vitumaghana kubiine kuyawasa. Nuwanubiiyai kenae. Weni gubagina kamonai kuvovokwarakwara na karako kukiibutawei.”

Mak 5:34 ပူးပေါင်းရင်းမြစ်များ

Matiu 9:2

Ma wawaya viya kwinasi digadigana ritowai ipawoi da Yesu kurina inae. Yesu ikitisi da i vitumaghana irakata na digadigana ivonei bo, “Natuku, am nota ke ina gisi. Am bera beroberosi anotatawei.”

Matiu 9:22

Yesu imiiritavire da wavinena ikitai. Ma ivonei bo, “Natuku, am nota evirewapana. Kuvi tumaghana kubiine kuyawasa.” Ma yaghiyaghinai wavinena iyawasa.

Mak 10:52

Ma Yesu ivona bo, “Am vitumaghana kubiine kuyawasa, nuwabiibiiyai kenae.” Yaghiyaghinai ikita ma Yesu ikivini da yavata ibaba inae.

Mak 3:10

Wawaya ipeyari namada ivi yawasisi tuna kubiine gubagubagisi peyarisi ivivi riya kurina da ita votovoni.

Mak 5:29

Yaghiyaghinai tarana veru ivoterei ma damina iviiya da iyawasa.

Mak 5:33

Ma wavinena iakovi da aviyavisina itupuwa kurina ma ipisi Yesu kurina da maghinonai ivi tuwaporeruruwana ma maghighina ioru ku tano. Iyabumana kirakai ma ere kirokirorona vonavaghata kudubina ivi mamatarei.

Luk 17:19

Ma Yesu tomowina ivonei bo, “Kevomiiri ma kuna nae, am vitumaghana kubiine kuyawasa.”

Luk 18:42

Ma Yesu ivona bo, “Kekita. Kuvi tumaghana kubiine kuyawasa.”

Luk 7:50

Ma Yesu wavinena ivonei bo, “Am vitumaghana kubiine kuyawasa. Kenae ma nuwanuba gwabimuwai ina makai.”

Luk 8:48

Ma Yesu wavinena ivonei bo, “Natuku, am vitumaghana kubiine kuyawasa. Kenae ma nuwanuba gwabimuwai ina makai.”

Apasol 14:9

Mara sago Pol idimadima ma koroto kamosiyai digadigana na ivivi yana. Pol matana maninina itawei ma damina iviiya da nani digadigana vitumaghana gwabinai da God iti yawasi.

Apasol 15:33

Ma gwabisiyai imakai mara gisina gurina ma muriyai vitumaghana damsi ivi biibiinisi ma nuwanubiiyai ivonatawesi ivovira i wawaya kurisi, ku Jerusalem.

Apasol 16:36

Vaghina ma gabura badana Pol ivonei bo, “Babada sisiya ivonatawei da tam ma Sailas kana votawemi. Kokiibau da nuwanubiiyai konae.”

Jemes 2:16

Ma kuna vonei bo, “God ini biibiinim, kevi gara bubuna ma kekam bubuna.” Nakanani kuni sisiya ma ke aviyavisina sago kuta verei da kuti vitei na am sisiya iyamna kegha.