Mak 3:5 - God Vonana Vovokaravina

⁵ Yesu ikitavirevire ma nuwanuwana ipughu kurisi. Ma bade nuwanuwana idugara kirakiiyei da nuwanuwasi na gudugudusi. Ma nani gibegibesina ivonei bo, “Kevororona.” Ivororona ma imana iyawasa.

Mak 3:5 ပူးပေါင်းရင်းမြစ်များ

Genesis 6:6

Nuwanuwana ipoyai da wawaya iyamonisi ma dobuwai iteresi. Nuwanuwana ivisi kirakai da ivona bo,

Matiu 12:13

Ma gibegibesina ivonei bo, “Kevororona.” Ma ivororona da imana kudubina iyawasa, iyanumi da imana nevana nakanani.

Mak 3:4

Ma Perisi damsi ivi tarakiiyanesi bo, “Vonaviyoyovana kamonai na aviyavisina ivi vaghinei da viyakam maranai kata berai? Bera biibiisi bo bera beroberosi? Wawaya tiyawasisi bo takiiviberosi?” Ma ti na kawasi ipota.

Luk 13:15

Ma Bada Yesu ivonapotei bo, “Tami miiriruwaruwami! Viyakam maranai peyarimi sago sago duma ami ghamoghamo uravisi kona rupama ma i numa kamonai kona rutinakiibuwesi ku okowa da inuma.

Luk 17:14

Yesu ikitisi, ma ivonesi bo, “Konae da taparoro babada kurisi koni beye meyemi da koyawasa.” Ma ivivi neyana da keta borinai na iyawasamakai.

Luk 6:10

Ma Yesu ikitavirevire da koroto ikitakitisi ma muriyai gibegibesina ivonei bo, “Kevororona.” Ivororona da imana iyawasa ikovi.

Jon 9:7

Ma ivonei bo, “Kenae ku toka kana vava Silowam da maghighim kuna kowai.” Silowam iyamna ‘Vonatawei.’ Ma tomowina inae matana ikowai da iyawasa. Ma ere kitakitana ivovira ina ku numa.

Rome 11:25

Varevaresiku, akayokayowei da vonavaghata gavugavuna na ani debei kurimi da ke kona nota meyemi da tami nakanani ma nuwanuwagiurimi. Vonavaghata na weni, Israel damsi i vitinakurukuru mara sago ina voterei. God iakovi da kupuna damsi ruvana viya ekayokayowei da ina ku vikiivavona ina rui. Ikoyakoyagha da nani ruvana ini tumaghana yavu ma muriyai da Israel ini yawasisi.

2 Korint 3:14

iyamna Israel damsi i nota na gudugudusi, rorova da ku karako vonaviyoyovana katamana iyiyavi na patana da i nota nani terepaparina egudugudui. Ma ini Keresiyana na Keriso kava nani terepaparina ina votawei.

Epesas 4:18

Ma i nota na didibarisi. Ti na God ina yawasa makamakii nonowina ke ita viiya, iyamna ti na neghaneghasi ma tinapotapotasi.

Epesas 4:26

Nuwanuwami ina pughu na ke ami nuwapughu ina berimi da berabero kona berai. Ma ke ere nuwapughumi kona makii kirakai da ravi ina pika.

Epesas 4:30

Ma ke kona berai da God ina Kanuma Vovokaravina ini nuwapoya, iyamna nani Kanumina gwabimiyai imatakira da God namada igimarimi da tami rapenai. Marana vaghata ina nekiibau na tuna dobu vitana kamonai ina votawemi.

Hibru 3:10

Tuna kubiine na kurisi nuwanuwaku ipughu da avona bo, ‘Ti damsi nuwanuwasi kamonai na ibarakamtaweku da taku ivonavonavikoniyeku.’

Hibru 3:17

Ma meni damsi madegha 40 kamonai God inuwanuwapughuwesi? Ti na iyavo kava berabero iberai, tuna kubiine warereyai iririgha da irukwamakai.

Hibru 5:9

God ina kayowana ivotekateka yavui da karako iyavo kava Yesu evovotekatekei na yawasa makamakii nonowina gwabinai ina viiya.

Revelation 6:16

Ma ivivi kwatu bo, “Koya da wakima koririgha ku tepakai da kona kiigavugavukai da God ina vikiivavo gawarina tepanai emakamakai na ke ina kitikai, ma bade Sipu Gegeyina ina nuwapughu damina ke kana viiya.