Mak 15:15 - God Vonana Vovokaravina

¹⁵ Ma Pailat ina kayowana da nani korotona iti nuwabiibiinisi da nuwanuwasi ita pika. Tuna kubiine Barabas gabura kamonai ivi kiibuni. Ma seri wawayisi ivonesi da Yesu iwidi kirakiiyei ma ivonatawei da ita tuparatui.

Mak 15:15 ပူးပေါင်းရင်းမြစ်များ

Matiu 20:19

Ina patumiku ma kupuna damsi ku imasi ina tereku da ini nameku ma ina widiku ma korosiyai ina tuparatuku da ana rabobo. Ma mara viarobina kamonai rabobowai ana vomiiri.”

Matiu 27:26

Vaghina ma Pailat, Barabas gabura kamonai ivotawei da ikiibau. Ma Yesu na ivi damani seri damsi kurisi da ita kwapui ma ita tuparatui.

Mak 10:34

ini avaberoweku, ina kanuku ma ina widiku ma muriyai na korosiyai ini raboboku. Ma mara viarobina kamonai na rabobowai ana vomiiri.”

Mak 15:14

Ma Pailat ivona bo, “Avi kubiine? Aviyavisina ibera beroi?” Ma kegha, korotona gamosi irakata da ikarayogosi bo, “Kotuparatui!”

Luk 18:33

Ma mara viarobina kamonai rabobowai ina vomiiri.”

Luk 23:16

Tuna kubiine kovogha kava ana verei ma ana vonatawei ina nae.”

Jon 19:1

Nani murinai Pailat ivona na ina seri wawayisi Yesu irutini ikiibau da iwidiwidiya.

Jon 19:16

Vaghina ma Pailat ivonakiiyaragha da seri wawayisi Yesu ita tuparatui. Seri damsi Yesu irutini ikiibau da ita tuparatui.

Apasol 24:27

Madegha ruwa ikovi na Posiyas Pestas ipisi da kiivavo Pirikis kana gawara iviiya. Pirikis na Jiu babadisi ku murisi imiiri, tuna kubiine na Pol gabura kamonai ivoterekuyowei.

Apasol 25:9

Ma Pestas na Jiu babadisi ku murisi imiiri, ina kayowana da iti nuwabiibiinisi. Tuna kubiine Pol kurina ivona bo, “Tam kivaghinei bo kegha da taghae ku Jerusalem da nani dobunai ani tupavirem weni viwavuna kubiine?”

Gareisiya 1:19

Ke aposol viya ata kitisi da Jemes ina kina kava, tuna Bada tina kikei.

1 Pita 2:24

Keriso tuna mani ita berabero vitana tupuwinai ikavari da korosiyai irabobo. Weni berana iberai da kubiita berabero ina ruyagha damina ivi rabobo tuwanonowi da ke ini nuwatinita ma ita yawasa na maninina kavakava. Keriso iwidiya ma ina ku inivisi na ivi yawasimi.