Mak 14:38 - God Vonana Vovokaravina

³⁸ Matami ita kita ma kota nipowana da maranai ruyagha ina nekiibau na ke kona peku. Kanumimi i kayowana da biibiina kota berai ma tupuwimi na mitamitasi.”

Mak 14:38 ပူးပေါင်းရင်းမြစ်များ

Matiu 24:42

“Tuna kubiine kovovunagha meyemi ma kona vivikoyakoyagha. Ke kotakovi da mara avai ami Bada ina vovira.

Matiu 25:13

Ma Yesu ina sisiya turina iterei, ivona bo, “Tuna kubiine kovovunagha meyemi, iyamna ke kotakovi da mara avai Wawaya Natusi ina nekiibau.”

Matiu 26:41

Kokitabanenega ma konipowana da ruyagha ke kona panani. Kanumimi ina kayowana ma tupuwimi na imitamita.”

Matiu 6:13

Kevi noravekai da ruyagha ke kana panani. Ma ketarapaparikai da wawaya bero kirakiina ke ina vowikai.’ ”

Mak 14:34

Ma ivi aroba ivonesi bo, “Nuwapoya tepanai ma tepanai da vitana irakata, ma tuna ekiikiivunuku. We komakai ma matami ekita.”

Mak 14:37

Ma ivovira da kana kivikivina ivi aroba ipananisi da ivivi keneyana ma ivona bo, “Saimon Pita, avi kubiine kekenakena? Kade mara gisina kava kuta makamakai ma kuta kitakita.

Mak 14:39

Ma ivomiiri inae da kunona ikikava inipowana na bade nakanani inipowaname.

Luk 21:36

Mara nonowa kona banebanenega ma kona niponipowana da ami rewapana kovokovoghina da kona miirikikina maranai weni berasi ina tuputupuwa kurimi. Ma bade konipowana da damonai Wawaya Natusi maghinonai kona miiri na ke koninimaya.”

Luk 22:40

Inekiibau na ivonesi bo, “Konipowana da ruyagha kamonai ke kona peku.”

Luk 22:46

Ma ivonesi bo, “Avi kubiine kokenakena? Kovomiiri ma konipowana da ruyagha kamonai ke kona peku.”

1 Korint 16:13

Matami ekita, ami nota erakata God kurina ma komiirikikina, maghitepami etora ma kovi rewapana.

Gareisiya 5:17

iyamna tupuwa ina kayowana beroberosi na Kanuma Vovokaravina ini kawapatei, ma bade Kanuma Vovokaravina na tupuwa ina kayowana beroberosi ini kawapatei. Ivi ruwa ighavighaviya, tuna kubiine ke kovokovoghina da ami kayowana kona berai.

Pilipai 2:12

Turaturaku, tami nuwanuwaku. Rorova taku gwabimiyai na mara nonowa kovovotekatekeku. Ma karako na taku ke gwabimiyai, tuna kubiine Keriso notanai kovotekateka kamowa. Ma ami yawasa kamonai na ere yabuyabumanimi ma ere kirokiroromi koni paparana kirakai da God kona votekatekei na koni matakira da namada ivi yawasimi,

1 Pita 5:8

Kokitaruvimi, ami nota evi rewapana. Kami ghaviya Devil mara nonowa taraboga iekwekwai da ina vowimi. Tuna nakanani ma layon kayakayayina dipiiyai eyebayebagha, kana siya ekwekwai da ina kutasikasikai ma ina kam yavui.

Revelation 3:10

Avonemi da nuwapoya kamonai kota miirikikina na gamoku kovotekatekei, tuna kubiine ani tarapaparanemi. Mara epipisi da vikamyuyuwa ghamana dobu kudubina ina nunui da iyavo kava dobuwai emakamakai na ina vorubusi na nani maranai ana koyagha bubunimi.