Mak 13:27 - God Vonana Vovokaravina

²⁷ Ma aku aneya ana vonatawesi da dobu ku kudubina ina ne yavui. Ma God ina wawaya vovinesi ina rutinisi da ini kiidaburana.”

Mak 13:27 ပူးပေါင်းရင်းမြစ်များ

Genesis 49:10

Tupurereghim mara nonowa ini bada, Ti na kiivavo ina diwona ina voviteteyanei. Ke kovokovoghina ini damani dam sago kurisi. Ina nenae da wawayina vaghata ina nekiibau. Ina nekiibau ma dam ma dam ina pisi da ina suwari ma ina vokaravei.

Matiu 12:42

Mara katamaninai Seba kana kiivavo wavinena dobu rabarabai ivomiiri inae Kiivavo Soromon kurina da ina nuwagiura ma ina vibeyebeyena iti yanei. Ma vitupavira maranai nani wavinena ina vomiiri ma weni kimtina ini wavumi, ina vona da tami na berabero wawayimi iyamna aku vibeyebeyena ke koti yanei. Ma kovi yana, karako wawaya sago inekiibau ma tuna na Kiivavo Soromon ighekuyowei.”

Matiu 13:41

Wawaya Natusi ina aneya ina vonatawesi da ina vikiivavona kamonai berabero wawayisi ma aviyavisina kava eberaberisi da berabero eberaberai na kudubisi ina ragutawesi.

Matiu 13:49

Weni nakanani ina tupuwa mara damonai. Aneya ina nekiibau ma God ina wawaya maninisi kamosiyai na wawaya beroberosi ina viitawesi

Matiu 24:22

Nani marana berona ita guri na wawaya kudubisi ita rabobo yavu. Tuna kubiine God ina wawaya vovinesi notasiyai na vokwarakwara marana ina terevitupoi.”

Matiu 24:24

Wawaya ipeyari ini bero, ina vonemi da ti na God ina Vivinevine Wawayina ma peroperoveta viviberosi yavata ina vomiiri da bera ghamaghamasi ma matakira notakavakavasi ina berai da wawayota ini beroberowesi. Ma ini paparana da God ina wawaya vovinesi yavata bade ini beroberowesi da i vitumaghana ina voterei.

Matiu 24:31

Ma ture ina tou da gamona ghamana na God ina aneya ina vonatawesi da dobu ina ne yavui da ina wawaya vovinesi ina kiividaburisi.”

Mak 13:20

Nani marana berona ita guri kirakai na wawaya kudubisi ita rabobo yavu. Tuna kubiine God ina boriya da tupona, iyamna iyavo kava ivovinesi da ina wawaya na ini kamyuyuwesi.”

Mak 13:22

iyamna Keriso vivibero ma peroperoveta vivibero ina pisi ma bera ma matakira ghamaghamasi ina berai, ina bera tovoni da God ina wawaya vovinesi ini noraveyana berosi.

Mak 13:28

“Kovi yana, kii kona kitai na ini beyemi. Kiina enumonumoi na namada akovina koviiviiya da kwamra kana mara epipisi.

Luk 16:22

Mara sago Lasaras irabobo ma aneya ipisi da kanumina iviiya ineyei ku kunuma da Abraham yavata imakamakai. Ma bade mura wawayina irabobo ma wawaya tupuwina idogoi,

Luk 18:7

Ma God na maninina, ma ina wawaya vovinesi i tou kurina madeghai ma didibarai etereterei na iyanesi ma bera maninina eberaberai kubiisi. Ma ke meyani da ita vonavonesi da karakava.

Jon 10:16

Ma sipu viya rapekuwai na ke weni yavona kamonai. Ana rutinisi da weni garina ku kamona ina rui da ini kiisagosi ma kii koyakoyagha na sago kava.”

Jon 11:52

Ma ke nani dobuna damsi kava ma bade God natunatuna dobu ku kudubina kamonai emakamakai na ti yavata ini kiisagosi da dam sago.

Rome 8:33

Meni wawayina ina vomiiri da vitumaghana damta ini wavuta da tota na berabero wawayita? God tuna mani ivineta ma ivoneta da tota ina wawaya maninita.

Kolosei 3:12

Tami na God ina wawaya, ivovinemi da vovokaravimi ma ina nuwaviina kurimi irakata kirakai. Tuna kubiine vikamyuyuwa, agabiibai, vopepeta, nuwapika ma nuwanuba gwabimiyai ina makai na tuna nakanani ma gara biibiina kota kotei.

2 Tesalonika 2:1

Varevaresikai, ita Bada Yesu Keriso ina nekiibau ma ina tinariyeta na nani marana tisisiyei.

2 Timoti 2:10

Tuna kubiine ke ati nuwapoya, aku nota ivi rewapana vokwarakwara kamonai, iyamna God ina wawaya vovinesi kubiisi na ku gabura itereku. Ti bade Yesu Keriso tepanai yawasa makamakii nonowina ina viiya ma God kana ku kadara ina rui.

1 Pita 1:2

Ita Mamai God ina kayowanai ivinemi ma Kanuma Vovokaravina iberimi da tami ina wawaya vovokaravimi. Tuna kubiine na Yesu Keriso kovotekatekei da taranai ikowatawemi. Ainowi God kurina da ina agabiibai ma ina nuwanuba gwabimiyai ina rakata kirakai.