Mak 12:8 - God Vonana Vovokaravina

⁸ Ma vaghina ivotatani, ikiivunui ma gari ku kupuna itawanakiibuwei.”

Mak 12:8 ပူးပေါင်းရင်းမြစ်များ

Matiu 21:33

Yesu, taparoro babadisi i babada ma Jiu damsi i babada ivonesi bo, “Kovi yana. Miiba sago. Tomowa greipi ivoni ina vao kamonai, wakimiyai igariya, ma mewa iyabai da greipi amena nani gawarinai iti tugudagudai da muina kava ita viiya. Ma numa kweta kiidamowai ivowai da potapota wawayisi ita makai da vao ita koyaghi. Ma wawaya viya yavata vivaghina iberai da vao ku imasi iterei da ita koyakoyaghi ma madegha nununai ita vivimiiyei. Muriyai tomowina inumataya ku dobu sago da nani dobunai imakii kirakai.

Matiu 21:39

Vaghina ma, ivotatani ma itawanakiibuwei ku gari kupuna ma ikiivunui.”

Mak 12:7

Ma vao kana koyakoyagha ivi ogatara ma ivona bo, ‘Nokona natuna. Vao badana ina rabobo na weni tanona buderina ina damana da tuna ini rapenei. Tuna kubiine takiivunui ma tanona na tota mani tirapenei.’

Mak 12:9

Ma Yesu ivi tarakiiyanesi bo, “Ma vao badana na aviyavisina ina berai? Ina nae da vao kana koyakoyagha ini kiivunuwana ma vao na dam viruwa ina veresi.

Luk 20:15

Vaghina ma, vao kamonai itawanakiibuwei da kupunai ikiivunui.” Ma Yesu ivi tarakiiyanesi bo, “Vao badana na aviyavisina ina berai koyakoyagha wawayisi kurisi?