Mak 11:9 - God Vonana Vovokaravina

⁹ Ma kana koroto Yesu maghinonai ma murinai ibababa na ikarakarayogosi bo, “Hosana! Kaigheghenim! Bada avanai kepipisi! Tam na Bada ina vibiibiina kamonai!

Mak 11:9 ပူးပေါင်းရင်းမြစ်များ

Matiu 21:9

Ma nani korotona kamosiyai Yesu inenae. Ma wawaya ibababa na ikarakarayogosi. “Hosana! Kaigheghenim! Tam David Tupurereghina, kavovokavakavarim! God ini biibiinim, tam Bada avanai kepipisi! Hosana, God, kiidamo makamakiim, kaigheghenim!”

Matiu 23:39

Vonavaghata avonavonemi, ke kona kita meyeku, karako da ku mara damona. Ma nani maranai ana vovira ma kona vona bo, ‘God ini biibiinim, tam Bada avanai kepipisi! Kiiwa, kiiwa!’ ”

Mak 11:8

Ma wawaya peyarisi kii tarasovo ketiyai ikepana ma bade viya kiiragharaghasi dipiiyai iyaragha da ketiyai itawei.

Jon 12:13

Ma ti damsi yapi rugurugusi iyuna ma Yesu iverupotei. Ma ikiikiirara bo, “Hosana! Kaigheghenim! Tam Bada avanai kepipisi! God ini biibiinim, tam Israel akii Kiivavo!”

Jon 19:15

Ma koroto irapotepotei bo, “Kokiivunui! Kokiivunui! Kotuparatui!” Ma Pailat ivi tarakiiyanesi bo, “Ami kayowana da ami kiivavo ana tuparatui, bo?” Ma taparoro babadisi i babada ivonapotei bo, “Akii kiivavo sago kava. Sisa! Sisa!”