Luk 11:2 - God Vonana Vovokaravina

² Ma Yesu ivonesi bo, “Maranai kona niponipowana, kovona bo, ‘Mamai, Kam vava kavovokaravei. Kainowi da am vikiivavona dobuwai ina makai.

Luk 11:2 ပူးပေါင်းရင်းမြစ်များ

Matiu 10:32

“Tam iyai dobuwai, wawaya maghinosiyai kuni debe meyem da kekivikiviniku na bade nakanani kunumai, aku Mamai maghinonai ani debei da tam na aku wawaya.

Matiu 3:2

Ma ivonavona bo, “Ami bera beroberosi kovinimayei ma komiirikupukuputei, iyamna wekarakava na God ina vikiivavona enenekiibau.”

Matiu 5:16

Tuna kubiine bera biibiisi koberai da tuna nakanani ma yasegana gwabimiwai ekarakarata. Wawaya ina kitai ma ami Mamai kunumai ini ghegheni.”

Luk 11:1

Mara sago Yesu inae ku dobu sago ma iniponipowana. Inipowana ikovi na kana kivikivina sago ivonei bo, “Bada, Jon kana kivikivina ivi beyebeyesi da ikikava ita nipowana. Ma nakanani kuti beyebeyekai da kata nipowana.”

Rome 1:7

Tuna kubiine na tami Rome wawayimi kurimi agirugiruma. God ina nuwaviina kurimi irakata ma ikwatumi da tami ina wawaya vovokaravimi. Ma ainowi ita Mamai God ma Bada Yesu Keriso kurisi da nuwanuba ma agabiibai ina veremi.

Rome 8:15

God, Kanuma Vovokaravina iveremi da yabumana ke ina vowimi bo ini bademi. Ma Kanumina eberaberita da nota rewapanai God kurina tavonavona bo, “Abba, aku Mamai.”

1 Korint 1:3

Ma ainowi ita Mamai God ma Bada Yesu Keriso kurisi da agabiibai ma nuwanuba ina veremi.

2 Korint 1:2

Ainowi God ita Mamai ma ita Bada Yesu Keriso kurisi da agabiibai ma nuwanuba ina veremi.

Gareisiya 1:4

Ita Mamai God ina kayowanai da natuna Yesu Keriso ivere meyei ita berabero kubiine, da karako weni kimtina berona kamonai ita tinakiibutaweta.

Epesas 1:2

Ainowi God ita Mamai ma Bada Yesu Keriso kurisi da i agabiibai ma i nuwanuba ina veremi.

Pilipai 1:2

Ainowi ita Mamai God ma Bada Yesu Keriso kurisi da agabiibai ma nuwanuba ina veremi.

Pilipai 4:20

Ma ita Mamai God tavokavakavari mara ku peyarina da kana kadara ina rakata. Amen.

Kolosei 1:2

Tami iyavo kava Kolosei kamonai Keriso yavata koinuwasago ma koipatutu da wawaya vovokaravimi na ita Mamai God kurina ainowi da agabiibai ma nuwanuba ina veremi.

1 Tesalonika 1:1

Taku Pol, ma Sailas da Timoti yavata kagirugiruma tami Keresiyana dami Tesalonika kamonai kurimi. Tami na God ita Mamai ma ita Bada Yesu Keriso rapesiyai. Ainowi kurisi da i agabiibai ma i nuwanuba gwabimiyai ina makai.

1 Tesalonika 1:3

God ita Mamai matanai kanotanotimi, ikikava vitumaghana tepanai kobigabiga, ikikava nuwaviina tepanai kobagibagi bubuna, ma bade ikikava Bada Yesu Keriso tepanai ami nota ivi rewapana kirakai da komiimiirikikina.

2 Tesalonika 2:16

Ita Bada Yesu Keriso ma ita Mamai God ekayokayowana kirakiiyeta ma i agabiibai kurita irakata. Tuna kubiine ina kiiepepita da mara nonowa titepatora ma titumaghana kamowa. Ma kainowi kurisi da

Revelation 11:15

Muriyai na aneya kana vimiikovimaruwa ina ture iuveni na kunumai gamo ivivi kiirareyana bo, “Karako dobu kudubina na ita Bada God ma ina Vivinevine Wawayina yavata rapesiyai da ini badei. Ma God ina vikiivavona ina makii nonowa.”

Revelation 15:4

O Bada, wawaya kudubisi eyabuyabumanem ma kam vava ighegheni iyamna kam kadara irakata. Tam kava na vovokaravim. Dam ma dam kudubisi ina pisi da maghinomuwai ma ina vokavakavarim, iyamna wawaya kudubisi ikitai da am bera na maninisi kavakava.”

Revelation 19:6

Ma koroto ghamana ikarayogosi na avi yanei nakanani ma tovava ghamaghamasi ita tawetawei na gugurisi. Ma bade kana viyana na nakanani ma warikeyakeya ita ruruwa ma ivivi kiirareyana ivonavona bo, “Aleluya. Ita Bada God rewapana kirakiina tuna ikiivavo.

Revelation 20:4

Ma akita na vikiivavo gawarisi akitai ma tepasiyai na wawaya kanumisi ivivi makiiyana. Wawayisi na God rewapana iveresi da wawaya iti tupaviresi. Ma bade wawaya kanumisi akitai, ti na iyavo kava debiiyai ivi mamatara da Yesu ivi tumaghanei ma God vonana idimadimei na tuna kubiine kaiyosi ivi kiiyaraghana. Ma yegai ghamoghamona ina kokoitau yavata ke ita vokavakavari, ma bade ina matakira ke imasiyai bo maghitepasiyai ita kiruma. Wawayisi irabobo ma kegha da God iberisi da ivomiiri ma rewapana iveresi da ivi kiikiivavo da Keriso yavata iti bada patapata da madegha 1 tausan ita kovi.