Jon 9:4 - God Vonana Vovokaravina

⁴ Taku na God ivonataweku ma ina biga na mariyai taberai. Ma didibara epipisi na nani kamonai ke kovokovoghina da wawaya ina biga.

Jon 9:4 ပူးပေါင်းရင်းမြစ်များ

Matiu 20:7

“Ma ivonapotei bo, ‘Ke sago wawaya ita kayowekai da kubiine kata biga.’ ” “Ma vao badana ivonesi bo, ‘Vaghina, tami bade konae da aku vao kamonai kona biga.’ ”

Mak 3:3

Ma Yesu gibegibesina ivonei bo, “Kepisi wike da koroto maghinosiyai kuna miiri.”

Jon 10:32

Ma ivonesi bo, “Aku Mamai avanai bera biibiisi ipeyari kirakai aberai da kokitai. Ma meni tuna kubiine kona kiivunuku?”

Jon 10:37

Mikeda aku Mamai ina kayowana ke ata beraberai na vaghina, ke koni tumaghaneku.

Jon 12:35

Ma Yesu miibiiyai ivonesi bo, “Wawaya nubakutuva kamonai ina bababa na ke itakovi da mike enenae. Tuna kubiine yasegana gwabimiyai emakamakai na kobaba, iyamna gisina kava ma yasegana koni wapai da nubakutuva ina kamowanimi.

Jon 17:4

Ma aviyavisina kuvi yoneku na abera yavui da dobuwai wawaya kam kadara ikitai.

Jon 4:34

Ma Yesu ivona bo, “Kaku vavai na weni. Wawayina ivonataweku na ina kayowana ana berai da bigana ivereku ani koviya.

Jon 5:19

Yesu, Jiu babadisi ivonesi bo, “Vonavaghata avonavonemi da God Natuna ke kovokovoghina da ina kina kava ina kayowana ina berai. Aviyavisina ekitakitai da ina Mamai eberaberai na tuna bade nakanani ina berai. Mamai ina berai na bade Natuna ina berai.

Jon 5:36

Ma vimamatara kana viaroba idebei da taku na iyai. Ma tuna iyamna irakata kirakai, ke nakanani ma aviyavisina Jon ivi mamatarei kurimi. Bigasi aku Mamai ivereku da aberaberai na imamatara kubiiku da Mamai ivonataweku.

Jon 7:33

Ma kegha da Yesu ivona bo, “Taku aku mara na tupo vaghina da tami yavata tamakai, ma muriyai na ana vovira wawayina ivonataweku kurina.

Apasol 4:20

Aviyavisina kakitai ma kavi yanei na kani sisiyei, ke kovokovoghina da kani kawapotapota.”

Gareisiya 6:10

Tuna kubiine, taraboga tapanapanani na mara nonowa bera biibiisi taberaberai wawaya kudubisi kurisi. Ma iyavo kava Keriso itumaghanei, ti nakanani ma ita rakaraka, ma takitaruvai da bera biibiisi kava taberai kurisi.

Epesas 5:16

Mikeda taraboga kona panani na kovi onaghi da Bada ina biga koberai, iyamna karako weni maranai na bera dowadowasi irakata.

Kolosei 4:5

Konuwagiura da ikikava koni matakira bubuna iyavo kava ke ita vivitumaghana kurisi. Ma taraboga imapatana kona viiviiya na ke koni rekwei.