Jon 8:6 - God Vonana Vovokaravina

⁶ Weni vitarakiiyanina iterei da Yesu iti sisiya bero na iti wavui. Ma kegha da Yesu itawopika ma ivi karei da dowiyai imarakorakonai ivivi girugiruma.

Jon 8:6 ပူးပေါင်းရင်းမြစ်များ

Genesis 49:9

O Juda, tam na laiyon natuna. Kuvokiira, kukam ma kuvovira am ku bonagha. Tam nakanani ma laiyon wavinena iti kwerukweru da ita kenakena, Ke sago iyai da ini tataghani.

Matiu 10:16

“Kovi yana, tami nakanani ma sipu ma avonavonatawemi kukou dipa kurisi. Tuna kubiine konuwagiura mota nakanani. Ma bade kovi yamoyamona gabubu nakanani.

Matiu 15:23

Ma Yesu ke sago ita vonapotei. Ma kana kivikivina ipisi da Yesu kurina ivi nowi bo, “Kevonatawei ina nae, ekivikivinita ma ekiikiirara kirakai.”

Matiu 16:1

Perisi ma Sadusi damsi ipisi Yesu kurina ma ivi kaetina da matakira ghamana ita berai da ita kitai.

Matiu 19:3

Ma Perisi damsi inae kurina da ivivi kaetina. Ivi tarakiiyanei bo, “Vonaviyoyovana kamonai kade vivaghina emakamakai bo kegha da tomowa tuna mani ina kayowanai kawana yavata ini kiitawetaweyana?”

Matiu 22:18

Ma Yesu iakovi da nota beroberosiyai ivivi kaetina na ivonesi bo, “Tami miiriruwaruwami. Avi kubiine koiberoberoweku da ati sisiya bero?

Matiu 22:35

Ma vonaviyoyovana vibeyebeyena wawayina sago inae Yesu kurina da iti kaetina. Ivi tarakiiyanei bo,

Matiu 26:63

Ma Yesu kawana ipota. Ma ivona meyei bo, “God makamakii nonowina avanai vonavaghata kevonekai. Tam God ina Vivinevine Wawayina bo kegha? Tam God Natuna, bo?”

Mak 10:2

Ma Perisi damsi viya ipisi da Yesu ita rubu tovoni. Tuna kubiine ivi tarakiiyanei bo, “Vonaviyoyovana kamonai vivaghina emakamakai bo kegha da tomowa kawana ina barei?”

Mak 12:15

Ma Yesu iakovi da ivivi kaetina na ivonesi bo, “Avi kubiine ku poko kota tereku? Mane sago kokavarapiyei da ana kitai.”

Mak 3:2

Ma Perisi damsi viya keta iekwekwai da ikikava Yesu iti wavui. Tuna kubiine ikitakita bogai da nani gibegibesina iti yawasi bo kegha. Viyakam maranai iti yawasi na vonaviyoyovana iti kiigiiyei.

Mak 8:11

Perisi damsi viya ipisi da Yesu yavata iti taghegheyana. Ma ita rubui kubiine ivonei bo, “Bera ghamana keberai kana kitai. Nakanani kanakovi da rewapana God gwabinai kuviiya bo kegha.”

Luk 10:25

Vonaviyoyovana vibeyebeyena wawayina sago ivomiiri da Yesu ita rubui. Ivona bo, “Bada, avi ana berai da yawasa makamakii nonowina ana panani?”

Luk 11:16

Ma viya na Yesu irubui, ivi nowi da bera ghamana ita berai, iti matakira da ina rewapana God gwabinai iviiya.

Jon 8:2

Ma mara boiboiyai ivovirame da Taparoro Numana garina kamonai ivi kiimakiiyei ma wawaya peyarisi iriyei kurina da ivivi beyebeyesi.

1 Korint 10:9

Ma tota na Bada ke tarubui. Wawaya viya nakanani iberai na mota beroberosi ikanisi da irabobo makai.