Jon 7:41 - God Vonana Vovokaravina

⁴¹ Ma wawaya viya ivona bo, “Tuna na Keriso, God ina Vivinevine Wawayina.” Ma viya ivona bo, “Ikikava da tuna God ina Vivinevine Wawayina? Ina dobu na Gariri.

Jon 7:41 ပူးပေါင်းရင်းမြစ်များ

Jon 1:41

Ma yaghiyaghinai Anduru inae da ina tuwa Saimon ipanani ma ivonei bo, “God ina Vivinevine Wawayina kapanani.” (Tuna iyamna Keriso.)

Jon 1:46

Nataniyera ivona bo, “Nasaret. Kamonai aviyavisina biibiina ina tupuwa?” Ma Piripo ivonapotei bo, “Kepisi da kuna kitai.”

Jon 1:49

Ma Nataniyera ivonakiiyaragha bo, “Bada, tam God Natuna, Israel kana Kiivavo.”

Jon 4:25

Ma wavinena ivona bo, “Akovi da mara sago God Ina Vivinevine Wawayina ina pisi. Ina pisi na bera kudubina kurikai ini debei.”

Jon 4:29

“Kopisi ma tanae, tomowa sago kona kitai. Bera kudubina aberaberai na ivi debei. Tuna na God ina Vivinevine Wawayina, bo?”

Jon 4:42

Damsi wavinena ivonei bo, “Wekarakava kavi tumaghana, ke tam kuta vonekai kubiine, ma takii mani ina sisiya kavi yanei kubiine. Wekarakava kakovi da vonavaghata, tuna na dobu kana Viviyawa.”

Jon 6:69

Kaitumaghanem ma kakovim da tam na God ina Wawaya Vovokaravim.”

Jon 7:27

Ma kegha da weni tomowina na ina dobu takovi. Ma God ina Vivinevine Wawayina vaghata ina pisi na ke sago wawaya inakovi da tuna imapatana ina pisi.”

Jon 7:31

Ma koroto kamonai na wawaya ipeyari i vitumaghana Yesu kurina iterei. Ma ivivi sisiyei, ivonavona bo, “Vonavaghata, weni tomowina na God ina Vivinevine Wawayina, iyamna ikikava tanotanotai da Keriso matakira ghamaghamasi ita berai na weni tomowina peyarina eberaberai.”

Jon 7:52

Ma ivonapotei bo, “Tam yavata Gariri wawaya bo? Giruma katamana kekitai ma kuna panani da ke sago peroveta Gariri kamonai ina kiibau.”