Jon 4:11 - God Vonana Vovokaravina

¹¹ Ma wavinena ivona bo, “Bada, tam ke sago taraivivu gwabimuwai da okowa kunivui. Ma bade dogo na ioru kirakai. Ma ikikava okowa yawayawana kuna viiya da wawaya inumai na yawasa ina panani?

Jon 4:11 ပူးပေါင်းရင်းမြစ်များ

Jon 3:4

Ma Nikodimas ivona bo, “Ikikava tomowa magurina ina tupuwame? Ke kovokovoghina da ina ruime ina maduwa ku manawina da ina tupuwame!”

Jon 4:14

Ma wawaya iyai taku okowa ana verei inumai na ke meyani kaiyona ina kanakaname. Ma okowina ana verei na yawayawana ma ina yawasa kamonai ina vusivusira da yawasa makamakii nonowina ina viiviiya.”

Jon 7:37

Ma Yobe kamna ina mara turina inekiibau, tuna na mara ghamana nani kamna kamonai. Ma Yesu ivomiiri ma ikiirara bo, “Wawaya iyai kaiyona ina kanakana na ina pisi da gwabikuwai inuma.

Apasol 10:14

Ma Pita ivonapotei bo, “Bada, ke kovokovoghina! Ke meyani aku yawasa kamonai siya dowadowasi bo puyapuyakisi ata kani, iyamna Moses ina vonaviyoyovana anununura bubuna.”

1 Korint 2:14

Iyavo kava God Kanumina ke gwabisiyai na aviyavisina Kanumina everevereta na ke ina viiya. Ti damsi nani berasi ke itakova bubuni, inotai da bera neghaneghasi, iyamsi kegha. Ma iyavo kava God Kanumina gwabisiyai na iakovi da aviyavisina everevereta na biibiina.

Revelation 21:6

Ma bade ivoneku bo, “Avoyavui. Taku na Alfa ma Omega, bera karena ma bera damona. Ma iyai kaiyona ina rugavovori na yawasa vusirinai okowa ana verei da inuma ma ke ina gimari.

Revelation 22:1

Ma muriyai na nani aneyina yawasa okowina ivi beyeku. Ma okowina na miirara kiikiina, nakanani ma garasi, ma God ma Sipu Gegeyina yavata i vikiivavo gawarina gaburinai ikiikiibau.

Revelation 22:17

Kanuma Vovokaravina ma Sipu Gegeyina kawana ikwatu bo, “Kepisi.” Ma iyavo kava weni sisiyisi kona viviyanei na tami bade kovona bo, “Kepisi.” Ma iyavo kava kaiyosi irugavovori na ina pisi. Ma iyavo kava ekayokayowei na yawasa vusirinai okowa inuma ma ke ina gimari.

Revelation 7:17

iyamna kii koyakoyagha na Sipu Gegeyina, tuna vikiivavo gawarinai imakamakai. Tuna ini nowesi da ku okowa yawayawana meni dobunai evusivusira nake. Ma matadogasi kudubina na God ina kiipupunatawei.’ ”