Jon 13:5 - God Vonana Vovokaravina

⁵ Muriyai na okowa ku dabira itepoi ma ivi karei da kana kivikivina kaesi ikowakowa ma ikiikiipupuna.

Jon 13:5 ပူးပေါင်းရင်းမြစ်များ

Genesis 18:4

Weni kiina rogunai koni yakam mara gisina ma okowa kana kavarapiyei da kaemi kona kowa.

Genesis 19:2

Ma ivonesi bo, “Aku babada, taku ami bigabiga wawayiku na weni. Ibiibai da kota pisi aku ku numa. Gwabikuwai kaemi kona kowa ma takena da maram mara boiboi vaghata kona nae.” Ma ivona potei bo, “Kegha, tokai na kwanatu basunai yagharinai kana kena.”

Genesis 43:24

Ivi sisiya ikovi na bigabiga wawayina irutinaruwesi Josepa ina ku numa kamona ma okowa iveresi da kaesi ita kowa ma bade i donki kii vavai iveresi da iti kanisi.

Luk 7:38

Irui da Yesu murinai ivi kiimiiriyei ma tou ivi karei. Matadogana Yesu kaena ivivi butai ma uyawinai ikiikiipupuni. Muriyai kaena iyoyoni ma oira ghabughabuna ku kaena itepotepoi da ivovovisiboi.

Luk 7:44

Ma itavira wavinena kurina ma ivona bo, “Saimon, weni wavinena kekitai. Arui am ku numa na tam, okowa ke kuta vereku da kaeku ata kowai. Ma weni wavinena matadoganai kaeku ikowai ma uyawinai ikiipupuni.

Jon 13:10

Ma Yesu ivonapotei bo, “Wawaya namada ivi yeka na kaena kava ina kowai, iyamna tupuwina na biibiina. Ma tami peyarimi na yagharimi ma kamomiyai wawaya sago kava na kegha.”

Jon 13:6

Ma ipisi Saimon Pita kurina na Saimon Pita ivona bo, “Bada, avi kubiine kaeku kuna kowai?”

Jon 13:8

Ma Pita ivona bo, “Kegha Bada, ke kaeku kuna kowai.” Ma Yesu ivonapotei bo, “Kaem ke ana kowai na tam na ke kaku kivikivina.”

Jon 19:34

Ma seri wawayina sago ina iyowai Yesu ghabaghabana igwariya na tara ma okowa isororo.

Apasol 22:16

Ma aviyavisina kekoyakoyaghi? Kevomiiri ma kuna babataito. Bada kevi tumaghanei ma kuna nipowana kurina da am bera beroberosi ina kowatawei.’ ”

1 Korint 6:11

Rorova tami viya na nani berasi koberaberai. Ma Keriso ami berabero ikowatawei ma God ivinemi da tami ina wawaya vovokaravimi, iyamna Bada Yesu Keriso ma ita God Kanumina iberimi da tami na maninimi.

Epesas 5:26

Ivere meyei kubiita da ita berabero ikowatawei ma vonanai iterevimaninita da tota God ina wawaya vovokaravita.

1 Timoti 5:10

ma kana vava biibiina. Bera biibiisi eberaberai, natunatuna ikoyagha bubunisi, nuwabiibiiyai numataya etitinariyariyesi, Kerisiyana turaturana kaesi ekowakowa, wawaya i nuwapoya avai na ivitesi ma everevere meyei da bera biibiisi kava eberaberai.

Hibru 10:22

Tuna kubiine nuwanuwata kudubinai God titumaghanei ma ita nota yagharinai taneriya kurina, iyamna taranai irururubuta da nuwanuwata dadabuna ikowatawei, ma bade okowa miirarinai tupuwita ikowatawei.

1 Jon 1:7

God tuna yasegana kamonai emakamakai ma tota bade nakanani taberai. Yasegana yawasina kamonai tababa na turaturata yavata tinuwasago ma ita bera beroberosi kudubina Natuna Yesu taranai ina kowakowatawei.

1 Jon 5:6

Yesu Keriso ipisi na okowai ibabataito ma korosiyai tarana isororo. Ma ke okowa kava, ma tara yavata ivi matakira kurita. Ma bade Kanuma Vovokaravina nuwanuwata kamonai imamatareta da vonavaghata takovi.

Revelation 1:5

Ma bade Yesu Keriso agabiibai ma nuwanuba ina veremi. Tuna ivi patutu kirakai, iyamna aviyavisina peyarina ivi debei na takovi da vonavaghata. Ivi nao, rabobowai ivomiiri da kata iyaroko. Ma dobuwai tuna na kiikiivavo i Kiivavo. Ma bade ina nuwaviina kurita irakata kirakai da taranai ita berabero ikowatawei da ivotaweta.

Revelation 7:14

Avonapotei bo, “Bada, ke atakovi ma tuna na tam kuakovi.” Ma ivoneku bo, “Weni damsi na mara berona, vitupaketowana ma vikayotirana kamonai imiirikikina da ku damona na kii gara na Sipu Gegeyina taranai ikowa da ipoini.