Jon 10:4 - God Vonana Vovokaravina

⁴ Tuna mani ina sipu rapenai ina rutinakiibuwesi ma ini nowesi ina nae. Ti na i mamai ekivikivini, iyamna gamona iakovi.

Jon 10:4 ပူးပေါင်းရင်းမြစ်များ

Matiu 16:24

Muriyai Yesu kana kivikivina ivonesi bo, “Iyi tam kekayokayowei da kuna kiviniku na kevere meyem, am korosi kekavari ma kekiviniku.

Jon 10:16

Ma sipu viya rapekuwai na ke weni yavona kamonai. Ana rutinisi da weni garina ku kamona ina rui da ini kiisagosi ma kii koyakoyagha na sago kava.”

Jon 10:27

Aku sipu na akovisi. Gamoku iyanei ma ekivikiviniku.

Jon 10:3

Ma gari kana potapota wawayina emakamakai ma tuna matuketa ina votawei da sipu kii koyakoyagha ina rui. Ma sipu sago sago duma kii vava ina kwatui ma ti na gamona ini yanei ma ina kivini da ina kiibau.

Jon 10:5

Ma ke kovokovoghina wawaya viruwa ina kivini. Wawayina ina barei ma ina verukuyowei, iyamna gamona ke itakovi.”

Jon 10:8

Iyavo kava maghinokuwai ipisi na yapiyapi wawayisi, nani kubiine sipu gamosi ke ita votekatekei.

Jon 12:26

Wawaya iyi ekayokayowei da tuna aku bigabiga na ina kiviniku da taku imapatana ana makamakai na tuna gwabikuwai. Ma ina biga kubiiku na aku Mamai ini ghegheni.”

Jon 13:15

Taku vibeyebeyena biibiina aberai da kokitai. Ma tami bade nakanani koni boneboneku.

Jon 18:37

Ma Pailat ivi tarakiiyanei bo, “Nakanani na tam kiivavo bo?” Yesu ivonapotei bo, “Vaghina kevonavona. Weni ku dobuna atupuwa na iyamna sago kava, tuna na vonavaghata videbena kubiine apisi. Iyavo kava vonavaghata itumaghanei na aku sisiya iyanei ma evovotekatekei.”

Jon 3:29

Taku nakanani ma tomowa ita tavine na kana miiritana. Ma ina wavine ivopapari na tuna kava rapenai. Tuna kubiine maranai aiyanei da tuna ina wavine yavata ivi kiisagosi na ainuwabiibii kirakai kubiisi.

1 Korint 11:1

Ma vaghina, ikikava taku Bada ina bera akivikivini, nakanani tami bade aku bera kokivini.

Epesas 5:1

Tami na God natunatuna ma ina nuwaviina ghamana. Tuna kubiine God ina yawasa kovi bonebonei.

Hibru 12:2

Ma matata na Yesu kava kurina takita iyamna ita vitumaghana ina karena ma ina damona na tuna kava. Rabobo korosiyai na inimayamayana ma kegha da ivi bagunei ma ivere meyei da irabobo, iyamna iakovi da karakava nuwabiibii ghamana ina panani. Ma karako na God ina vikiivavo gawarina katagheyanai emakamakai.

Hibru 6:20

Ma kubiita Yesu namada maghinotai irui da ivi suwara kapuna badana ghamana makamakii nonowina, Melkisedeki nakanani.

1 Pita 2:21

Weni yawasina kubiine God ikwatumi da ikikava Keriso ere nuwanubana ivokwarakwara kubiimi na ivi beyemi da tami yavata vokwarakwara kamonai ere nuwanubami kona makai. Ivi nao, ivi matakira kurimi da nani ketana kota kivini.

1 Pita 4:1

Keriso inivisi damina iviiya, tuna kubiine ami nota ini rewapana ma mikeda ami vitumaghana kubiine nakanani ina tupuwa kurimi na kovi vaghinei. Iyavo kava ini vaghinei na tuna wawayina ivi debe meyei da berabero ivoterei.

1 Pita 5:3

Ma iyavo kava ku imami iteresi da kota koyaghisi na ke meyani da kona kayotata kurisi. Ma ami yawasa na maninina kavakava da koni matakira bubuna kurisi da ikikava ina makai. Nakanani koni nowesi.