Jon 1:1 - God Vonana Vovokaravina

¹ Karenai na Vona imakamakai. Tuna na God yavata imakamakai, ma tuna na God.

Jon 1:1 ပူးပေါင်းရင်းမြစ်များ

Genesis 1:1

Karenai God bera kudubina kunumai ma dobuwai iyamoni.

Matiu 1:23

“Kovi yana, wiwike gubugubu na ke meyani tomowa damina ita viiya, ma kegha da ina ropeya da natuna tomowa ini tuwei. Ini vavei Imanuweru.” Nani vavana iyamna, “God gwabitiyai emakamakai.”

Luk 24:53

Nani murinai mara nonowa Taparoro Numana garina kamonai God ivivi kiikiiwei.

Jon 1:14

Ma Vonana ivi wawaya da yavata tamakii patapata. Tuna na God Natuna sago kava na kana kadara kakitai. Ma agabiibai ma vonavaghata gwabinai irakata kirakai.

Jon 1:18

Ke meyani wawaya sago God ita kitai. Natuna sago kava na God yavata ivi kovokovoghana. Tuna ina Mamai yavata na sago. Ma ivi akakovita da God na iyai.

Jon 1:2

Ma karenai tuna na God yavata.

Jon 16:28

Aku Mamai gwabinai aoru ku dobu, ma dobu ana kuyowei na ana vovira ana ghae aku Mamai kurina.”

Jon 17:5

Mamai, muriyai da dobu ita tupuwa na ita viruwa kata kadara kamonai tamakai patapata. Wekarakava na kevokavariku da nani kadarina gwabimuwai na ku kamona ana rui me.”

Jon 20:28

Ma Tomas ivonapotei bo, “Vonavaghata, tam aku Bada ma aku God.”

Jon 8:58

Yesu ivona bo, “Vonavaghata avonavonemi muriyai da Abraham ita tupuwa na taku namada amakamakai.”

Rome 9:5

I kaekiki mau na wawaya avatetesi ma kii dam kamonai na Keriso itupuwa. Keriso tuna na God, ma bera kudubina ibadei. Wawaya kudubita kata vokavakavara nonowei! Amen.

Epesas 3:9

God bera kudubina iyamoni ma ina nota irereghi ma namadani kava igavui da weni ku marana. Ma karako ivineku da nani notasi ati debei da wawaya kudubisi itakovi.

Pilipai 2:6

Tuna ma God na sago. Ma kegha da aviyavisina rapenai na ke ita vokikini.

Kolosei 1:15

Keriso na God maghimaghighina. Ke kovokovoghina da God takitai ma kegha da wawaya Keriso ikitai ma tuna ivi debei kurita da God na ikikava. Keriso na iyarokona ma bera kudubina ibadei, iyamna tuna namada imakamakai ma muriyai da God bera kudubina iyamoni.

Kolosei 1:17

Tuna namada imakamakai ma muriyai da bera kudubina itupuwa. Ma ina rewapanai da aviyavisina kudubina patana da yawayawana emakamakai ma ke ita wapawapa.

1 Timoti 3:16

Vonavaghata, God ina nota ghamaghamasi ma gavugavusi iyamsi irakata, ma notasi na weni. Ivi wawayota da viyota ikotei, Ma Kanuma Vovokaravina ivi debei da tuna na vonavaghata, Ma bade aneya matasiyai ikitai. Ma kana vava dam ma dam kamosiyai wawaya idimei, da dobu ku kudubina ivi tumaghanei, ma God iviitawei da ighae ku kunuma da kana kadara kamonai emakamakai.

Taitos 2:13

Nakanani tamakamakai ma tabanebanenega da maranai Yesu Keriso ere kadarina ina nekiibau. Tuna ita God ma bade kata Viviyawa rewapana kirakiina.

Hibru 13:8

Yesu Keriso na ke viravirana, rorova, karako ma mara nonowa.

Hibru 7:3

Ina mamai ma ina maduwa bo ina rakaraka ke sago katakova tovonisi. Ma ina tupuwa da ina rabobo marana ke sago katakova tovoni. Tuna nakanani ma God Natuna, tuna suwara kapuna badana makamakii nonowina.

2 Pita 1:1

Taku Saimon Pita, Yesu Keriso ina aposol ma ina bigabiga. Tami iyavo kava Keriso koitumaghanei taku nakanani na agirugiruma kurimi. Ita vitumaghana na bera ghamana ma ibiibii kirakai. Ma nani vitumaghanina na ita God ma kata Viviyawa Yesu Keriso gwabinai taviiviiya. Ma tuna ina bera na maninina kavakava.

1 Jon 5:20

Bade takovi da God Natuna ipisi na akova ivereta da God vaghata akovina taviiya. Ma Natuna Yesu Keriso yavata tinuwasago, tuna kubiine God yavata tinuwasago. Tuna kava na God vaghata ma yawasa makamakii nonowina everevereta.

1 Jon 5:7

Bera ivi aroba imamatareta,

Revelation 1:11

Ma ivona bo, “Aviyavisina kava kuna kitai na kegirumi ma kevonatawei vitumaghana damsi weni kwanatusi miikovimaruwa kamosiyai kurisi. Epesas, Simena, Pegamom, Tayatira, Sadis, Piladelpiya, ma Laodisiya.”

Revelation 1:17

Akitai na ku maghinona apeku da avi kiiparoroweku. Ma katagheyanai ivororona da ku tepaku iterei ma ivona bo, “Ke kuna yabumana. Taku na Alfa ma Omega, bera karena ma bera damona.”

Revelation 1:2

Ma taku Jon weni berasi akitai na kudubina weni bukana kamonai avi mamatara bubuni, tuna God vonana ma Yesu Keriso ivi debei kuriku.

Revelation 1:8

Bada God evonavona bo, “Taku na Alfa ma Omega, bera karena ma bera damona. Makamakii nonowiku, rorova, karako ma maram. Taku rewapana kirakiiku.”

Revelation 19:13

Ma kana gara na kana ghavighaviya tarasi ipasini, ma kana vava na ikwatui da God Vonana.

Revelation 2:8

“Vitumaghana wawayisi Simena kamonai kii koyakoyagha aneyina kurina weni nakanani kegiruma. ‘Taku na bera karena ma bera damona. Arabobo ma rabobowai avomiiri da yawawaku. Aku sisiya na weni.’

Revelation 21:6

Ma bade ivoneku bo, “Avoyavui. Taku na Alfa ma Omega, bera karena ma bera damona. Ma iyai kaiyona ina rugavovori na yawasa vusirinai okowa ana verei da inuma ma ke ina gimari.

Revelation 22:13

Taku na Alfa ma Omega, taku na maghinona ma turina, bera karena ma bera damona.”

Revelation 3:14

“Vitumaghana wawayisi Laodisiya kamonai kii koyakoyagha aneyina kurina weni nakanani kegiruma. ‘Taku na Amen Wawayiku, iyamna bera kudubina akova yavui, aipatutu da vonavaghata kava aimamatarei. Ma bera kudubina God iyamoni na taku aibadei. Aku sisiya na weni.’