Jemes 5:5 - God Vonana Vovokaravina

⁵ Ami yawasa dobuwai na biibiina kavakava, ma ami kayowana kudubina kopanapanani. Mara nonowa kokamkam dodo da yapami erakarakata. Ma kegha da damonai na rabobo kona panani.

Jemes 5:5 ပူးပေါင်းရင်းမြစ်များ

Luk 16:19

“Mura tomowina sago mara nonowa kana gara biibii kirakiisi ivivi kote, ikamkam bubuna ma ina kayowana kudubina rapenai.

Luk 16:25

Ma Abraham ivonapotei bo, ‘Natuku, kevi nuwanotanota da am yawasa dobuwai na biibiina, am kayowana kudubina rapemuwai. Ma Lasaras na ke sago biibiina rapenai. Ma karako na tuna inuwabiibai ma tam na inivisiyai kemakamakai.

Rome 13:13

Yawasa kiimatana tavotani, iyamna tota yasegana wawayita. Tuna kubiine uma neghanegha, vipekana wapawapa, nuwakapi ma vikawapata tavoterei.

1 Timoti 5:6

Ma mikeda kwapura sago tupuwa yawasina inuwabiibiiyei na tupuwina yawayawana ma kanumina na namada irabobo.

2 Timoti 3:4

Ti mani turaturasi ma ini beroberowesi. Ti na nuwatekatekasi da yaghiyaghinai bera beroberosi ma neghaneghasi ini karei. Ti na kayovigesirosi. God nuwanuwana ke ita viiya ma tupuwa ina kayowana nuwanuwasi ivii kirakiiyei.

2 Pita 2:13

Berona iberai wawaya kurisi da ivokwarakwara na God kovogha ina veresi da ti yavata ina vokwarakwara. Tupuwa ina kayowana dowadowasi inuwabiibii kirakiiyei da madeghai eberaberai da wawaya matasiyai ekitakitisi ma ke ita vivinimayei. Ti na viviberosi ma yavata kokamkam patapata na epuyapuyakimi ma kami vava iberoi.

Jud 1:12

Ma tami Bada avanai koinuwasago ma kokamkam patapata na nani kamna kamonai viviberosi yavata kokamkam da ami kam na epuyapuyaki, iyamna ti na vinimaya gwabisiyai kegha, ma ti mani kava enotanota meyesi. Ma bade ti na nakanani ma kwavu yanunu etapitapini ma garewa kegha. Ma ti nakanani ma kii. Kii amame kana mara ma ke itamame. Kiisi na namada ivi tinaraguwana da ramramsi yavata irabobo tuwanonowa.

Revelation 18:7

Ikikava imakiigheghae da dobu yawasina ma ina mura inuwabiibiiyei na bade nakanani kekutawei inoru da ini moyaka ma ininina ina visi ma ina vokwarakwara. Tuna mani inota meyei na ikayokayotata ivona bo, ‘Taku na kiivavo wavineku. Taku na ke meyani ana kwapura ma kwapukwapura ikikava ikamyuyuwa na karakava ke nakanani ani kamyuyuwa tovona.’ ”