Jemes 2:7 - God Vonana Vovokaravina

⁷ Ma ti damsi na Yesu Keriso kana vava biibiina ekiikiiviberoi, ma tuna vavana kokanikani.

Jemes 2:7 ပူးပေါင်းရင်းမြစ်များ

Matiu 1:23

“Kovi yana, wiwike gubugubu na ke meyani tomowa damina ita viiya, ma kegha da ina ropeya da natuna tomowa ini tuwei. Ini vavei Imanuweru.” Nani vavana iyamna, “God gwabitiyai emakamakai.”

Matiu 12:24

Ma Perisi damsi weni sisiyina ivi yanei na ivona bo, “Kegha! Kanuma beroberosi i kiivavo Berusiburu gwabinai rewapana iviiya da kanuma beroberosi ekwavikwavinisi.”

Matiu 27:63

Ivonei bo, “Bada, Yesu na viviberona ma kanotanotai da ivona bo, ‘Ana rabobo ma mara viarobina kamonai rabobowai ana vomiiri.’

Apasol 11:26

Ipanani ma irutinaneyei ku Antiyok. Vaghina ma madegha sago Banabas da Sol vitumaghana damsi yavata ivivi kiidaburana ma ivivi beyebeyena koroto ghamana kurisi. Ma Antiyok kamonai ivi karei da vitumaghana damsi ivi vavesi ‘Keresiyana.’

Apasol 15:17

Weni berana ana berai da dam ma dam peyarisi taku Bada inekwiku. Ma kupuna damsi kaku vava ini tumaghanei da ti na taku aku wawaya.

Apasol 26:11

Mara ipeyari wawaya avonavonesi da kiki numasiyai kana kivikivina ikwapukwapusi ma inivisi ivereveresi. Ma aberabera tovoni da Keriso ita vonabarei. Aku nuwapughu kurisi irakata kirakai da ayebayebaghisi ma bade dobu viruwai aekwekwisi da ati tupaketowanesi.”

Apasol 4:12

“Yesu ina kina kava kurina tikwatu da ini yawasita. Dobuwai ma kunumai na ke sago wawaya ita makamakai da yawasa makamakii nonowina ina vereta.”

Epesas 3:15

Tuna na rakaraka kudubisi dobuwai ma kunumai i Mamai vaghata.

1 Timoti 1:13

Namanaki karenai avi avaberowei, akayoghakighakiyei, ma avi agaberowei, ma kegha da ivi kamyuyuweku, iyamna aku vitumaghana kegha da ke atakovi aviyavisina aberaberai.

1 Pita 4:16

Ma tami kovi Keresiyana ma mikeda wawaya ami vitumaghana kubiine ina vivitupaketowanemi ma kona vovokwarakwara na ke koninimayei. Ma God kovi ghegheni da Keriso kana vava iveremi da tami rapenai.

Revelation 19:13

Ma kana gara na kana ghavighaviya tarasi ipasini, ma kana vava na ikwatui da God Vonana.

Revelation 19:16

Ma kana gara ma vaghana tepanai na kana vava weni nakanani igirumi, “Kiikiivavo i Kiivavo ma babada i Bada.”