Genesis 9:11 - God Vonana Vovokaravina

¹¹ peyarimi yavata ma Vivaghina Makamakiina aberaberai. Ke meyani kutukutuva ana vonatawe meyei da bera yavu yawayawana ina rabobo. Ke meyani okowa ina rakata da dobu kudubina ina resotawei.”

Genesis 9:11 ပူးပေါင်းရင်းမြစ်များ

Genesis 9:10

ma bera yavu kudubina yawayawana, ghamoghamo manamisi, ghamoghamo dipa ma kiu waka kamonai ikiibau na

Genesis 9:15

ita Vivaghina Makamakiina ana notai da ke meyani kutukutuva ana vonatawe meyei da bera yawayawana kudubina ina kiipupuna meyei.

2 Pita 3:11

Vonavaghata da bera nakanani ina tupuwa na dobu ma kunuma kudubina ina gwaramutui. Ma nani notanai tami na ikikava kona makai? Kota berai da ami yawasa na maninina ma mara nonowa God kota vokaravei,

2 Pita 3:7

Ma bade God gamona iterei da kunuma ma dobu kudubina ina kapuni ma ke wekarakava. Ivoviviri emakamakai da kana mara itereterei na berana ina berai. Ma tuna maranai wawaya kudubisi ini tupaviresi ma iyavo kava ke ita vovokaravei na ti damsi ina gwaramutusi.