Genesis 7:3 - God Vonana Vovokaravina

³ Ma kiu kitasi bogii ma bogiiyai keviinisi ina pisi da kiu sago sago duma kii kita nununai tomotomowisi ivi 7 ere kakawasi na keghamosi da yawayawasi ina makamakai da kutukutuva murinai ini tuwame dobuwai.

Genesis 7:3 ပူးပေါင်းရင်းမြစ်များ

Genesis 6:20

Nani kamonai kiu bogii ma bogiiyai, ruwa ruwi duma, ere kakawasi ma ghamoghamo dipa ere kakawasi ma bade dowatetetesi ere kakawasi na kudubina ina pisi kurim. Ma kerutinisi ku waka kona rui da ke ina rukwa.

Genesis 7:2

Ma meni ghamoghamosi ma kiusi avi vaghinei da kam ma suwara kubiine na tomotomowisi ivi 7 ere kakawasi kerutinaruwesi. Ma meni ghamoghamosi na ke biibiisi suwara kubiine, ti na puyapuyakisi, na sagosago duma ere kakawasi kerutinisi da ku waka kona rui.

Genesis 7:4

Mara 7 murinai na garewa ana vonatawei da mara 40 ma didibara 40 ina katukatuna da bera kudubina yawayawana dobuwai ayamoni na peyarina ana kiipupunatawei.”

Genesis 7:8

Ma bade ghamoghamo bogii ma bogiiyai ere kakawasi ku waka irui, ti na puyapuyakisi ma ke puyapuyakisi, kiu ma dowatetetesi yavata.

Genesis 8:20

Nani murinai Nowa wakima ivi daburi da suwara kana kema iyamoni. Ma meni ghamoghamosi ma kiusi Bada ivi vaghinei da suwara kubiine na kamosiyai viya iviinisi ma ivunuwa da suwara kana kema tepanai ikapuna, Bada God kurina isuwara.