Genesis 6:2 - God Vonana Vovokaravina

² Ma God natunatuna tomotomowa ikita da wawaya natunatusi wivinesi na karakarawatisi ma i kayowanai irutinisi da iravaghisi.

Genesis 6:2 ပူးပေါင်းရင်းမြစ်များ

Genesis 12:11

Ma muriyai da parata ita damani ku Egypt ita rui na kawana ivonei bo, “Kuvi karawata kirakai.

Genesis 24:3

Keinan damsi kamosiyai tamakamakai. Bada God tuna kunuma ma dobu iyamoni na matanai kuna vonakiiyapa kuriku da ke weni dobunai wiwike sago kuna rutini da natuku Aisiki ini kawanei.

Genesis 26:35

Iso nani wivinesi iravaghisi na Aisiki da Rebeka i yawasa ivi beroi ma nuwapoya ghamana iveresi.

Genesis 27:46

Muriyai Rebeka inae Aisiki kurina ma ivonei bo, “Weni Hiti wivinesi natuta Iso iravaghisi na ke aku kayowana, weni makamakiina na ke ata vivivaghinei. Mikeda Jeikap bade weni dobuna kamonai Hiti wavine sago ina ravaghi na ibiibai da ata rabobotaweyana.”

Genesis 3:6

Ma wavinena ikita da nani kiina iame ikitai da ivi nuwaviivai. Ma inotai da ibiibai da ita kani. Ma bade ina kayowana ghamana da nani akovina ita viiya. Vaghina ma ipura da ikam. Ma tomowina na yavata da wavinena viya iverei da tuna bade ikani.

Genesis 4:26

Seti imagura ma ivi tuwa da natuna tomowa. Ma ivi vavei Inos. Ma Seti ina mariyai na wawaya ivi karei da Bada kana vava ivovokavakavari.

Genesis 6:1

Wawaya ivi karei da i koroto irakarakata dobuwai. Natunatusi ituputupuwa da kamosiyai viya na wivine.

Genesis 6:3

Ma Bada ivona bo, “Karako wawaya rabobo damina eviiviiya da Kanumiku gwabisiyai ke ina makii nonowa. Ini karei da tupuwisi ina bero ma i yawasa ke ina guri. Ke ina makii kirakai da kii madegha 120 ina kuyowei.”

1 Korint 7:39

Wavine itavine ma kawana emakamakai na ke kovokovoghina da ina tavineme. Ina makai da tomowina ina rabobo, nani murinai na wavinena ina taraboga emakamakai da ina kayowanai tomowa sago ina ravaghi. Ma ina kitai da tomowina ina ravaghi na vitumaghana wawayina.

2 Korint 6:18

Ma Bada Rewapana Kirakiina ivona bo, “Nani maranai taku na ami Mamai ma tami na natunatuku.”

2 Pita 2:14

Mara nonowa wivine ekitakitakirorowesi ma keta ekwekwai da vipekana wapawapa ina berai. I kayowana da bera dowadowasi mara nonowa ina beraberai ma damisi ke ita viiviiya, i kayowana da ina bera kamowi. Ma iyavo kava i vitumaghana ke ita rakata na inuwatinisi da ti yavata berabero ina berai. Berabero ematamatighei ma nuwanuwasi imanamei da mara nonowa eberaberai. Ma God namada imagisi.

1 Jon 2:16

Dobu yawasina na weni. Wawaya tupuwa ina kayowana ekirokirorowei, aviyavisina peyarina ekitakitai na enuwanuwakapiyei, ma bade aviyavisina rapesiyai ma ti mani i bera na ekayokayotatei. Tuna na dobu kana bera ma ti notasi na ke Mamai God ita vereveresi.