Genesis 48:12 - God Vonana Vovokaravina

¹² Muriyai Josepa natunatuna Jeikap dogarinai itinavivirisi ma ina mamai maghinonai irunoma da maghighina ku tano.

Genesis 48:12 ပူးပေါင်းရင်းမြစ်များ

Genesis 18:2

itepa da tomotomowa ivi aroba ivivi miiriyana ikitisi. Ikitisi na yaghiyaghinai ivomiiri, iverupotesi da iti kiikiiwesi. Maghinosiyai itawotei da maghighina ioru ku tano.

Genesis 19:1

Nani murinai, aneyisi ivi ruwa Abraham ivoterei na raviyai ku Sodom kwanatuna inekiibau. Ma Lot na kwanatu matuketinai imakamakai da ikitisi. Ivomiiri inae da ivi kiikiiwesi, maghinosiyai itawotei da maghighina ioru ku tano.

Genesis 23:7

Ma Abraham nani dobuna damsi ivokaravesi da gayamina itereoruwei

Genesis 33:3

Jeikap ivi nao inae ma inenekiibau varesina kurina na mara ivi 7 ku dowa irunoma.

Genesis 42:6

Ma tuna maranai na Josepa na bada ghamana Egypt kamonai ma tuna vavai ivivi gimara wawaya kurisi. Vaghina ma varevaresina inekiibau kurina da irunomei, maghighisi ku dowa.

Genesis 48:11

Ma Jeikap ivona bo, “Ke ata notai da maghighim ata kita meyei ma wekarakava na God ivi vaghinei da tam, natunatum yavata akitakitimi.”

Genesis 48:13

Ma natunatuna iviinisi da Jeikap ku maghinona iteresi da imiimiiri. Eperaim na murimurina tuna kubiine iviiya da Jeikap ku dugena iterei ma Manase na iyarakona tuna kubiine ku katagheyana iterei.

Epesas 6:1

Ededa, ami yawasa na Keriso rapenai, tuna kubiine ami mami mau ma maduwa mau kona votekatekesi, iyamna tuna na yawasa maninina.