Genesis 43:7 - God Vonana Vovokaravina

⁷ Ma ivonapotei bo, “Tomowina ivi taravirevire bogiikai da tokai ma akii rakaraka ita akova bubuni. Ivona bo, ‘Ami mamai patana da emakamakai bo? Ma timi kikei sago emakamakai bo kegha?’ Ma ikikava katakovi da ita vonekai da tiki kikei kata rutini da yavata katoru. Ma ina vitarakiiyana kubiine na nota yagharinai kavona potei.”

Genesis 43:7 ပူးပေါင်းရင်းမြစ်များ

Genesis 43:3

Ma Juda ivona bo, “Tomowina ina sisiya bagibagina iverekai da ivona bo, ‘Kara maghighiku ke kona kitai da timi kikei kona rutinapiyei na vaghina.’ ”

Genesis 43:27

Ma ivi tarakiiyanesi da ti na vaghina bo kegha, ma muriyai na ivona bo, “Ami mamai imagura kirakai na kovi sisiyei avi yanei, tuna ikikava? Tuna yawayawasina bo?” Josepa ina sisiya na vidamadamana wawayina ivi damani varevaresina kurisi.

Genesis 42:13

Ma ivonapotei bo, “Tokai am bigabiga katupuwa da tomotomowa kavakava akii vi 12 ma akii mamai na sago kava ma tuna na Keinan dobunai emakamakai. Ma tikii kikei murimuri vaghina na akii mamai yavata emakamakai ma varesikai sago na irabobo.”

Genesis 43:6

Jeikap ivona bo, “Avi kubiine tomowina kovonei da timi kikei sago emakamakai? Weni nakanani koberai na taku nuwapoya kovereku.”

Genesis 44:19

Aku bada, kunona tokai am bigabiga kuvi tarakiiyanekai bo, ‘Ami mamai bo varesimi bo kegha?’

Genesis 42:11

Tokai na tomowa sago kava natunatuna. Am bigabiga wawaya maninikai. Tokai na ke nanaga wawayikai.”