Genesis 41:54 - God Vonana Vovokaravina

⁵⁴ ma gomara ivi karei. Josepa ikikava ivivi sisiyei na nakanani itupuwa. Gomarina na madegha ivi 7 imakamakai ma ke Egypt kava, dobu kudubina ikamowani, ma kegha da Egypt dobuna kamonai na vavai imakamakai.

Genesis 41:54 ပူးပေါင်းရင်းမြစ်များ

Genesis 41:27

Ma nani kausi ivi 7 togetogesi ma petopetosi muriyai ighetawesi ma bade witi imana ivi 7 beroberosi ma momosisi warere yanununa berona ikaragavovori, ti na madegha ivi 7 na gomara.

Genesis 41:30

Ma nani murinai na madegha 7 na gomara ghamana ma bero kirakiina ina tupuwa da wawaya mura madeghisi ini notawapei. Ma Egypt dobuna kamonai wawaya vitonara ina karakarisi.

Genesis 41:53

Mura ghamana madegha 7 Egypt dobuna kamonai ivivi nuwabiibiiyei na marana ikovi,

Genesis 42:2

Sisiya avi yanei da Egypt dobuna kamonai na vavai emakamakai. Koru ku Egypt da witi kona gimara da tuna tepanai tamakai da ke tarabobo.”

Genesis 43:1

Keinan dobuna kamonai na patana da gomara irakata ma ibero kirakai.

Genesis 45:11

Ma taku Egypt kamonai ana koyaghimi iyamna gomarina na patana da madegha miikovi maghinotiyai ina makamakai. Mikeda ke kona pisi na tami, ami rakaraka, ma ami ghamoghamo na kudubimi vitonara ini karavunuwanemi.’ ”

Genesis 47:13

Gomarina Egypt da Keinan dobusiyai na irakata ma ibero kirakai da nani dobuna wawayisi kii vavai ikovi ma vitonara ikarakarisi.

Apasol 7:11

Nani murinai gomara ghamana itupuwa Egypt ma Keinan dobusiyai da wawaya peyarisi ivovokwarakwara. Ma ita kaekiki Jeikap natunatuna yavata kii vavai kegha.