Genesis 41:43 - God Vonana Vovokaravina

⁴³ Muriyai irutini ma Pero tuna mani ina ku serioti ivi geruni da ibaba, dobu ine yavui, ivi matakira wawaya kurisi da Josepa na Pero gaburinai ini bada. Ma maghinonai na potapota wawayisi inenae na ikiikiirara bo, “Keta kovoviyaghari, keta kovoviyaghari.” Ma vaghina nakanani iberai da Josepa tuna Egypt dobuna kudubina ivi bada yavui.

Genesis 41:43 ပူးပေါင်းရင်းမြစ်များ

Genesis 41:42

Vaghina ma Pero imarakorakonai rin ivotawei da Josepa ku imarakorakona ivi ruini. Nani rin na kiikiivavo i matakira tepanai ipapai. Ma tarasovo vuna, kiimatanina ma poipoina iviiya da ivi kotei ma bade chein goldiyai iyamoni na iviiya da ku iwana ivi rorokei.

Genesis 41:44

Ma Pero, Josepa ivonei bo, “Taku patana da kiivavo ma ke sago iyai Egypt dobuna kamonai aviyavisina ina bera wapawapai da kunona tam kuni vaghinei.”

Genesis 42:30

“Egypt dobuna kana bada ghamana ivi wavukai na ere ghakighakina ivi sisiya kurikai da nakanani ma tokai na nanaga wawayikai.

Genesis 42:33

“Vaghina ma bada ghamana ivonekai bo, ‘Weni nakanani kona berai da anakovi da kovonavona bubuna bo koibero. Kwinami sago na yavata kana makai ma peyarimi na vavai kona kavara kona nae da ami rakaraka vitonara ekarakarisi na kurisi.

Genesis 42:6

Ma tuna maranai na Josepa na bada ghamana Egypt kamonai ma tuna vavai ivivi gimara wawaya kurisi. Vaghina ma varevaresina inekiibau kurina da irunomei, maghighisi ku dowa.

Genesis 45:26

Inekiibau na i mamai ivonei bo, “Josepa na patana da yawayawana ma tuna na Egypt dobuna kana bada ghamana.” Jeikap itataghana ma inotakavakavai da ke iti tumaghanesi.

Genesis 45:8

Kokitai, ke tami ami kayowanai wike kota vonataweku, kegha, God ina kayowanai. Tuna iberai da Pero iterepiiku da avi wawayaghama ma ivineku da ina numa kana bada ma bade Egypt kudubina kana bada.

Genesis 50:18

Vaghina ma Josepa varevaresina timani ipisi da maghinonai itawesi da maghighisi ku dowa ma ivonei bo, “Tokai na am sleiv.”

Genesis 50:9

Koroto irakata kirakai. Ma kamosiyai viya na seriyotiyai igeru ma bade viya na hosiyai igeru.

Apasol 7:10

da ina nuwapoya kamonai ivi yawasi. Ma nuwagiura iverei ma iberai da Pero ina kayowana ghamana Josepa. Pero na Egypt kana kiivavo ma Josepa iterepai da nani dobuna kudubina ivi badei ma ina numa ghamana ikoyakoyaghi.

Pilipai 2:10

Ma iberai da kunumai, dobuwai ma dobu gaburinai wawaya kudubisi Yesu avanai ini tuwaporeruruwana.