Genesis 4:2 - God Vonana Vovokaravina

² Muriyai ivi tuwame da bade natuna tomowa ma tuna ivi vavei Abel. Natunatusi imagura na Abel ivivi ghamoghamo ma Kein na tano iwayowayowei.

Genesis 4:2 ပူးပေါင်းရင်းမြစ်များ

Genesis 3:23

Tuna kubiine Eden kamonai ikwavinisi ikiibau. Ti i karena na dowiyai ivopasipasisi ma ivonatawesi ikiibau da dowa ita wayowei.

Genesis 37:13

Muriyai Josepa ina mamai ikwatui ma ivonei bo, “Ana vonatawem kuna nae ku Sekem da varevaresim ghamoghamo ekoyakoyaghisi na kuna kitisi.” Ivonapotei bo, “Vaghina, ana nae.”

Genesis 4:1

Adam kawana Eve yavata ikena da iropeya. Ma ivi tuwa da tomowa ma ivona bo, “Bada ivi viteku da natuku tomowa avi tuwei.” Ma ivi vavei Kein.

Genesis 4:3

Imakamakai da mara sago ita suwara Bada kurina. Kein na iyaba ma vavai ipiyei.

Genesis 47:3

Vaghina ma Pero ivi tarakiiyanesi bo, “Weni marana gurigurina komakamakai na avi bigasi kava koberaberai?” Ma ivonapotei bo, “Tokai am bigabiga na ghamoghamo kii koyakoyagha nakanani ma akii mami mau.”

Genesis 9:20

Nowa tuna wayowa wawayina ma ina vao kamonai na greipi ivoni. Muriyai greipi amesi iyuna da wain iyamoni.

Luk 11:50

Dobu karenai da ku karako peroperoveta peyarisi ivi kiivunuwana ma tarasi isororo na God weni kimtina ini wavumi, tami biwana kudubina kona viiya.

Luk 11:51

Abel tarana kubiine ma bade Zekaraya tarana kubiine, tuna suwara kapuna kana kema ma Taparoro Numana basunai ikiivunui da irabobo. Vonavaghata Abel ina mariyai ipisi da ku Zekaraya na kudubisi i rabobo kubiine na biwana God weni kimtina ina veremi.”

Jon 8:44

Tami ami mamai na Devil, ma kokayokayowei da tuna ina kayowana kona berai. Dobu karenai da ku karako, tuna na kiivunuwa wawayina. Ma bade vonavaghata ke ita kayokayowei, iyamna vonavaghata gwabinai kegha. Maranai ini bero na tuna ina yawasa vaghata ekivikivini, iyamna tuna na viviberona, ma tuna na vibero ina mamai.

1 Jon 3:10

Yawasa weni nakanani takitai na takovi da iyavo kava na God natunatuna ma iyavo kava na Seitan natunatuna. Meni wawayina bera maninisi ke ita beraberai bo varesina yavata ke ita vivinuwaviina, tuna na ke God natuna.

1 Jon 3:12

Ma ke kona berai da Kein nakanani, tuna Seitan ina wawaya kubiine da tina kikei ikiivunui. Ma avi kubiine ikiivunui? Iyamna ina yawasa kamonai na bera beroberosi iberaberai ma tina kikei na bera maninisi iberaberai.

1 Jon 3:15

Ma meni wawayina varesina ibarakamtawei, tuna na nakanani ma kiivunuwa wawayina. Ma koakovi da kiivunuwa wawayina na yawasa makamakii nonowina ke ina panani.