Genesis 4:10 - God Vonana Vovokaravina

¹⁰ Ma Bada God ivona bo, “Kevi yana, tim kikei tarana tanowai imatakira kuriku, biwa viinina kubiine. Avi kuberai?

Genesis 4:10 ပူးပေါင်းရင်းမြစ်များ

Genesis 18:20

Tuna kubiine Bada, Abraham kurina ivona bo, “Sisiya avi yanei da Sodom ma Gomora kwanatusi kamonai wawaya i berabero irakata ma ibero kirakai.

Genesis 3:13

Ma Bada God wavinena ivonei bo, “Avi kubiine weni berana kuberai?” Ma ivonapotei bo, “Mota ivi beroberoweku da akani.”

Genesis 9:5

Ma bade meni wawayina ina berai da kwinana tarana ina sororo na ani tupavirei da avi kubiine iberai. Ghamoghamo wawaya ina kiivunui na kana kovogha na rabobo. Ma wawaya kwinana ina kiivunui na bade kana kovogha na rabobo.

Apasol 5:3

Ma Pita ivona bo, “Ananayas, avi kubiine kuvi vaghinei da Seitan ivi nowem na Kanuma Vovokaravina kurina kuvi bero da am tano manena nevana kuvoviviri?

Apasol 5:9

Ma ivonapotei bo, “Ikikava konotanotai da Bada ina Kanuma Vovokaravina koti beroberowei? Kekitai, yaraga kawam idogoi na enenekiibau ku matuketa. Ma tam bade ina kavarakiibuwem.”

Hibru 11:4

Abel ina vitumaghana kubiine na ina suwara God kurina ibiibii kirakai, ke Kein ina suwara nakanani. Tuna kubiine God na ina suwara ivi vaghinei ma ivona da tuna na ina wawaya maninina. Ina vitumaghana kubiine na namanaki irabobo ma kegha da ina bera na patana da ibeyebeyeta.

Hibru 12:24

Konekiibau da Yesu kurina, tuna ita tetete, ma tuna vivaghina makamakiina vuna iterei da God kurina tanae. Yesu tarana na ke Abel tarana nakanani. Yesu tarana ivi toitoi da notataweyana ivi sisiyei. Ma Abel tarana ivi toitoi da ikwatu biwa viinina kubiine.

Jemes 5:4

Kovi yana! Iyavo kava ami biga eberaberai ma ke koti miiyesi na evonavona dimadima. Nani touna namada ighae da Bada Rewapana Kirakiina ivi yanei.