Genesis 33:4 - God Vonana Vovokaravina

⁴ Ma Iso iverau da tina kikei itaraghavui, iyoni ma ivi tutuwana.

Genesis 33:4 ပူးပေါင်းရင်းမြစ်များ

Luk 15:20

Vaghina ma yaragina ivomiiri inae ina mamai kurina.” “Karakava ita nekiibau ku numa ma ina mamai namada ikitataweyana da natuna ipipisi na ikitai. Ma ivi nuwapoya kirakai da natuna iverupotei, itaraghavui ma iyoni.

Genesis 32:28

Vaghina tomowina ivona bo, “Kam vava Jeikap na karako ikovi. Tam na God ma wawaya yavata kovi vowa da kughetanisi, tuna kubiine kam vava vuna na ‘Israel.’ ”

Apasol 20:37

Ma peyarisi ere matadogasi itaraghavui ma iyoni.

Genesis 46:29

Inekiibau ku Gosen na Josepa yaghiyaghinai ina serioti ivovunagha ma igeru inae da ina mamai ita verupotei. Josepa inekiibau na ina mamai itaraghavui ma ituwei da kana guri.

Genesis 45:2

Ma itou da itousiyasiyapa da Egypt damsi ivi yanei na sisiya ikavari ineyei Pero ina ku numa.

Genesis 43:30

Tina kikei ikitai na nuwapoya ivowa kirakiiyei da yaghiyaghinai ikiibau ina ku tupayaragha irui da nani dobunai itou.

Genesis 43:34

Ma kii vavai na bigabiga inae da Josepa ina kema tepanai iyuyuna ma ivereveresi da ikamkam. Ma Benjamin na ivi kam kirakiiyei ke varevaresina viya nakanani. Ma vaghina Josepa yavata nuwabiibiiyai ikam ma iuma patapata.

Genesis 29:11

Vaghina ma Jeikap, Risera iyoni ma ituwei.

Genesis 29:13

Leiban sisiyina ivi yanei da natuna kikei Jeikap inekiibau na yaghiyaghinai ikiibau da ita verupotei. Ma itaraghavui, iyoni ma irutinaneyei ina ku numa. Ma Jeikap aviyavisina peyarina kurina itupuwa na Leiban ivi akovi.

Genesis 32:11

Ma aniponipowana da kevi tarapaparaneku da aku tuwa Iso ke ina kiivunuku, iyamna ayabuyabumana da ina pisi na ina raviku ma bade maduwa mau natunatusi yavata ina ravisi.