Genesis 32:9 - God Vonana Vovokaravina

⁹ Vaghina ma Jeikap inipowana ina doboro Abraham da ina mamai Aisiki i God kurina, ivona bo, “Bada tam kuvoneku, ‘Kevovira am ku dobu, am rakaraka kurisi ma ana berai da am mura ina rakata.’

Genesis 32:9 ပူးပေါင်းရင်းမြစ်များ

Genesis 17:7

Ma aku vonakiiyapa bagibagina atereterei da weni vivaghinina tam ma tupurereghim kurimi aberaberai na ina makii nonowa da kimta ma kimta kurisi ina damadamana. Mara nonowa taku na am God ma bade tupurereghim i God.

Genesis 28:13

Ma nani kiitetena damonai na Bada imiimiiri, ma ivonei bo, “Taku na Bada, am mamai Abraham da Aisiki i God. Ma weni tanona tepanai kekenakena na tam ma tupurereghim ana veremi.

Genesis 28:15

Ma mike kuna nenae na taku yavata ma ani tarapaparanem ma ana viinim kuna vovira weni ku dobuna. Ma ke ana voterem da aviyavisina avonakiiyapa kurim na ana berai na vaghina.”

Genesis 31:13

Taku na God, Betel dobunai taku anekiibau kurim. Nani dobunai wakima kuvi miirini ma kuvi biibiini ma am vonakiiyapa bagibagina kuberai kuriku. Ma wekarakava na kevovunagha da kuna vovirame am ku dobu kutupuwa nake.”

Genesis 31:29

Taku rewapana gwabikuwai emakamakai da ati kiiviberom, ma kegha da didibarai am mamai ina God ivoneku bo, ‘Ke sago avi sisiyina berona kuna karatawei da Jeikap kuni yabuyabumani.’

Genesis 31:3

Vaghina ma Bada, Jeikap ivonei bo, “Kevovirame am ku dobu vaghata da meni dobunai am mami mau ma am rakaraka imakamakai nake, ma taku na tam yavata.”

Genesis 31:42

Ma mikeda aku mamai ina God, tuna Abraham ma Aisiki i God gwabikuwai kegha na vonavaghata da namada imaku kwebuna ma kuta vonataweku. Ma kegha da God aku nuwapoya ma aku biga aberai na ikitai na didibarai inekiibau kurim da itupavimaninimu.”

Genesis 31:53

Ma ainowi da mikeda taku ana beraberoi bo tam kuna beraberoi, na God ina tupavimaninita ma kovogha ina rereghi. Tuna na am doboro Abraham da am nosi Nayo i God.” Ma vaghina, Jeikap vonakiiyapa bagibagina iberai da nani vivaghina makamakiina ke ini kiigiiyei. God avanai ivonakiiyapa, tuna God na ina mamai Aisiki ere yabuyabumanina ivovokavakavari.

Genesis 32:8

Inota da Iso ina pisi da koroto sago ina ravisi na koroto sago na inonagha.

Genesis 49:25

Iyamna am mamai ina God ini vitem, God Rewapana Kirakiina ini biibiinim. Kunuma da dobu kana vibiibiina ina verem ma tupurereghim ini biibiinisi da ini tuwa ma ini susu bubuna.