Genesis 32:5 - God Vonana Vovokaravina

⁵ Taku gwabikuwai na kau, donki, sipu, gote ma bigabiga wawayisi tomotomowisi ma wivinesi. Ma wekarakava na sisiya avonavonatawei tam aku bada kurim. Ainowi da kade kuni vaghinei da tam ma taku tinuwasago bo kegha.’ ”

Genesis 32:5 ပူးပေါင်းရင်းမြစ်များ

Genesis 30:43

Jeikap weni nakanani iberai na ina mura irakata, ina ghamoghamo yavoyavosi ipeyari. Ma bade ina bigabiga tomotomowisi ma wivinesi ipeyari, ina kamel ma bade ina donki ipeyari.

Genesis 31:16

Ma vona bubuna da mura kudubina God akii mamai gwabinai iviitawei na tokai ma natunatukai rapekiiyai. Tuna kubiine God ikikava evonavonem na nununai keberai.”

Genesis 31:3

Vaghina ma Bada, Jeikap ivonei bo, “Kevovirame am ku dobu vaghata da meni dobunai am mami mau ma am rakaraka imakamakai nake, ma taku na tam yavata.”

Genesis 33:11

Ma ainowi kurim da weni puyosi apipiyei na keviiya, God ina agabiibai irakata kuriku kubiine. Taku gwabikuwai ipeyari kirakai da isasara.” Jeikap ina sisiya ivi rewapana kirakai da turinai na Iso ivi vaghinei da puyosi ivopotei.

Genesis 33:15

Ma Iso ivona bo, “Vaghina ma aku wawaya viya gwabimuwai ana voteresi da ini vitem.” Ma Jeikap ivonapotei bo, “Namanaki. Namada nuwanuwam kudubinai kuvi vaghineku ma avi kubiine weni berana kuna berai?”

Genesis 33:8

Iso ivi tarakiiyana bo, “Avi berana kuberai da weni ghamoghamosi kuvi vonataweyana ivi nao na averupotesi?” Jeikap ivonapotei bo, “Aku bada, weni berana aberai na tam kuta kitai da kuti turaneku bo kegha.”

Genesis 47:25

Ma wawayisi ivonapotei bo, “Akii bada, tam kuvi yawasikai, tam kubiibii kirakai. Tokai na kani sleiv Pero kubiine.”

Luk 12:45

Ma mikeda bigabiga kii koyakoyagha ita vona bo, ‘Aku bada inae ma mara gurina murinai ina vovira,’ na iti karei da bigabiga wivinesi ma tomotomowisi ita widiwidi kirakiiyesi, ita guraguramodi ma itumuma neghanegha.