Genesis 32:11 - God Vonana Vovokaravina

¹¹ Ma aniponipowana da kevi tarapaparaneku da aku tuwa Iso ke ina kiivunuku, iyamna ayabuyabumana da ina pisi na ina raviku ma bade maduwa mau natunatusi yavata ina ravisi.

Genesis 32:11 ပူးပေါင်းရင်းမြစ်များ

Genesis 24:27

Ivona bo, “Bada God, aigheghenim, tam aku bada Abraham ina God. Kuvi patutu kirakai da am agabiibai kurina kuvi debei. Kuvi noweku da maninina ina rakaraka kurisi.”

Genesis 27:41

Jeikap, ina mamai ivi beroberowei da gwabinai vibiibiina iviiya, tuna kubiine ina tuwa Iso nuwanuwana ipughu kirakai. Iso ivona da i mamai na mara gisina kava da ina rabobo ma kasira ina kovi, nani murinai na Jeikap ina kiivunui.

Genesis 27:42

Ma kegha, wawaya sago Iso ina sisiya ivi yanei ma inae da Rebeka ivonei. Ma tuna na Jeikap kana sisiya ivonatawei da ipisi, ma ivonei bo, “Kevi yana, am tuwa kana biwa ina viiya, ina kayowana da ina kiivunum.

Genesis 32:3

Inenae na yonayona ivonatawesi ivi nao ina tuwa Iso kurina, Edom dobuna kamonai, dobuna kana vava sago na Seya.

Genesis 32:7

Jeikap weni sisiyina ivi yanei na iyabumana ma ivi nuwapoya kirakai. Ina wawaya ivorereghisi da koroto ruwa iyamoni ma nakanani bade ina sipu, gote, kau ma kamel yavata.

Genesis 33:4

Ma Iso iverau da tina kikei itaraghavui, iyoni ma ivi tutuwana.

Matiu 6:13

Kevi noravekai da ruyagha ke kana panani. Ma ketarapaparikai da wawaya bero kirakiina ke ina vowikai.’ ”