Genesis 3:20 - God Vonana Vovokaravina

²⁰ Adam kawana ivi vavei Eve iyamna tuna wavinena na wawaya kudubisi i maduwa.

Genesis 3:20 ပူးပေါင်းရင်းမြစ်များ

Genesis 16:11

Ma ku tepana ivona bo, “Kuni tuwa da natum tomowa ma kuni vavei Ismayel, iyamna Bada sisiya ivi yanei da tam nuwapoya kamonai.

Genesis 2:20

Ma vaghina, ghamoghamo manamisi ma kiu kiidamowai ma ghamoghamo dipa kii vava iveresi ikovi, ma nani kamonai na ‘Adam’ ke kana neva kiimatana da iti vitei.

Genesis 2:23

Ma tomowina ivona bo, “Vaghina, ibiibii kirakai! Weni na taku maghimaghighiku! Tuwirina, tuwirikuwai iviiya ma viyona, viyokuwai iviiya. Tuna kubiine kana vava ‘wavine,’ ina karena taku tomowa gwabikuwai iviiya.”

Genesis 3:21

Ma Bada God ghamoghamo bekasi iviiya da gara iyamoni, ma Adam kawana yavata ivi kotesi.

Genesis 35:18

Ma kegha, Risera damina iviiya da iraborabobo ma muriyai da yatupona ita tapurai na natuna ivi vavei ‘Ben Oni.’ Ma muriyai Jeikap natuna ivi vavei ‘Benjamin.’

Genesis 5:29

Ma ivi vavei Nowa. Ma Lameki ivona bo, “Bada dowa imagi da ita biga irakata ma tikamaghiyei, ma weni wawaya kikina kara ini viteta ma ini yawasita.”

Matiu 1:21

Meri ini tuwa da natuna tomowa ma kuni vavei Yesu, iyamna ina wawaya i berabero kamonai ini yawasisi.”

Matiu 1:23

“Kovi yana, wiwike gubugubu na ke meyani tomowa damina ita viiya, ma kegha da ina ropeya da natuna tomowa ini tuwei. Ini vavei Imanuweru.” Nani vavana iyamna, “God gwabitiyai emakamakai.”

Apasol 17:26

Karevaghinai tomowa sago kava iyamoni ma nani tomowinai na wawaya itupuwa da dam bogii ma bogiiyai ma dobu kudubina imakii yavui. Tuna ina kina kava wawaya kii mara iterei ma bade i parata iterei da meni dobunai kava iti makiiyana.

2 Korint 11:3

Ma ayabuyabumana da aviyavisina itupuwa Adam kawana Eve kurina na ina tupuwa kurimi. Mota iakova kirakai, iberai da Eve bera berona iberai. Maghimaghighina tuna ami nota yagharisi ini beroi da tami na ke koni patutu kamowa Keriso kurina,

1 Timoti 2:13

Konotai da God, Adam iyamoni ma murinai Eve iyamoni.